महिंद्रा समूहाचे चेअरमन आनंद महिंद्रा यांचा पद्मभूषण पुरस्काराने गौरव

राष्ट्रपती भवनात आज पद्म पुरस्कारांच्या वितरणाचा सोहळा पार पडला. राष्ट्रपती रामनाथ कोविंद यांच्या हस्ते वेगवेळ्या क्षेत्रात उल्लेखनीय कामगिरी करणाऱ्या ११९ जणांना पद्म पुरस्कारांचं वितरण करण्यात आलं. या कार्यक्रमासाठी पंतप्रधान नरेंद्र मोदी देखील उपस्थित होते. यावेळी महिंद्रा समूहाचे अध्यक्ष आनंद महिंद्रा यांना राष्ट्रपती राम नाथ कोविंद यांच्या हस्ते पद्मभूषण पुरस्काराने सन्मानित करण्यात आले.

आनंद महिद्रा हे नेहमी आपल्या वेगवेळ्या कामांमुळे चर्चेत असतात. महिंद्रा समुहाच्या माध्यमातून त्यांनी अनेक सामाजिक कार्य देखील केली आहेत. तसेच वेगवेळ्या क्षेत्रात काम करणाऱ्या लोकांच्या कामाचा सन्मान करण्यासाठी ते महिंद्रा समूहाचं वाहन भेट देऊन चांगल्या कामासाठी उत्तेजित करत असतात. त्यामुळेच आज त्यांना या राष्ट्रपती रामनाथ कोविंद यांच्या हस्ते पुरस्कार प्रदान करण्यात आला.

या पुरस्कारांच्या माध्यमातून विविध क्षेत्रातील लोकांच्या 'उत्कृष्ट कार्य किंवा योगदानाचा सन्मान करण्यात येतो. हे पुरस्कार विशिष्ट कामगिरी, वेगवेळ्या क्षेत्रातील सेवा, कला, साहित्य आणि शिक्षण, क्रीडा, वैद्यकीय, सामाजिक , विज्ञान आणि अभियांत्रिकी, सार्वजनिक कार्य, नागरी सेवा, व्यापार आणि उद्योग इत्यादी क्षेत्रातील योगदानासाठी दिले जातात.