जळगाव : एसटी कर्मचाऱ्यांनी कामावर हजर व्‍हावे

जळगाव : महाराष्‍ट्र राज्‍य परिवहन महामंडळातील (Maharashtra State Transport Corporation) कर्मचारी २७ ऑक्‍टोंबरपासून बेमुदत संपावर आहे. कर्मचाऱ्यांच्‍या मागण्या रास्‍त असल्‍याने तरी न्‍यायालयाने हा संप (strike) बेकायदेशीर ठरविला आहे. सद्यःस्थितीत सदर प्रकरण न्यायप्रविष्ट असून आंदोलन मागे घेऊन संप मागे घेण्याचे आवाहन भारतीय एसटी कामगार संघटनेचे राजेश सोनवणे यांनी पत्रकार परिषदेत माहिती देताना केले.

पत्रकार भवनात आयोजित पत्रपरिषदेस उत्‍तर महाराष्‍ट्र विभागीय अध्‍यक्ष जहांगीर खान, जिल्‍हाध्‍यक्ष चेतन नन्‍नवरे, कर्मचारी अधिकारी कल्‍याण संघाचे जिल्‍हाध्‍यक्ष संजय अंभोरे आदी उपस्थित होते. श्री. सोनवणे यांनी सांगितले, की एसटी कर्मचाऱ्यांचे विलीनीकरण होत नसेल तर राज्‍य शासकीय कर्मचारींप्रमाणे वेतनश्रेणी लागू करावे. म्‍हणजेच कर्मचारींचे देखील नुकसान होणार नाही. कर्मचारींनी देखील आता जनतेला वेठीस न धरता न्‍यायालयाच्‍या निर्णयावर विश्‍वास ठेवून कामावर रुजू व्‍हावे.