कणकवली मतदारसंघ पहिला दिवस निरांक

कणकवली मतदारसंघ
पहिला दिवस निरंक
कणकवली ः कणकवली विधानसभा मतदारसंघातून आज पहिल्या दिवशी एकही अर्ज दाखल झाला नाही. मात्र, आज सहा अर्ज विक्री झाले. येत्या शनिवारी (ता. २६) व रविवारी (ता. २७) सुटी असून, २९ ऑक्टोबरला नामनिर्देशन पत्र दाखल करण्याची अंतिम तारीख आहे. या मतदारसंघात भाजपचे नीतेश राणे विरुद्ध शिवसेना उद्धव ठाकरे गटाच्या उमेदवारात थेट लढत होणार आहे. त्यामुळे ही लढत दुरंगी होणार की, अन्य उमेदवार रिंगणात उतरणार? हे नामनिर्देशन पत्र दाखल झाल्यानंतर स्पष्ट होणार आहे. ठाकरे गटाकडून संदेश पारकर यांच्या नावाची चर्चा आहे. महायुती आणि महाविकास आघाडी असा सामना रंगणार आहे. नीतेश राणे गुरुवारी (ता. २४) अर्ज दाखल करतील, असे सांगण्यात आले.
---
श्यामप्रसाद धर्माधिकारी
सोमवारी कोलगावात
सावंतवाडी ः भविष्य निर्वाह निधीचे प्रवर्तन अधिकारी श्यामप्रमाद धर्माधिकारी हे सोमवारी (ता. २८) सकाळी ११ वाजता सैनिक नागरी सहकारी पतसंस्था मर्या. सिंधुदुर्गच्या कोलगाव शाखा कार्यालयात उपस्थित राहणार आहेत. भविष्य निर्वाह निधी तसेच पेन्शनविषयक काही समस्या असल्यास किंवा माहिती हवी असल्यामुळे सहकारी संस्थांसह खासगी संस्था व महामंडळातील कर्मचारी वर्ग तसेच निवृत्त कर्मचाऱ्यांनी उपस्थित राहावे, असे आवाहन सैनिक पतसंस्थेचे चेअरमन बाबूराव कविटकर व मुख्य कार्यकारी अधिकारी सुनील राऊळ यांनी केले आहे.