विराट कोहलीला ( Virat Kohli) इंडियन प्रीमिअर लीग २०२५ मध्ये चांगलाच सूर गवसला आहे. रॉयल चॅलेंजर्स बंगळुरूला १८व्या पर्वात जेतेपद जिंकून देण्यासाठी विराट जोर लावतोय. त्याने आयपीएल २०२५ मध्ये ऑरेंज कॅपच्या शर्यतीत ३९२ धावांसह दुसऱ्या स्थानावर झेप घेतली आहे. त्याच्या धावांची सरासरी ( ६५.३३) ही इतरांपेक्षा चांगली आहे. काल राजस्थान रॉयल्सविरुद्धच्या सामन्यात ४२ चेंडूंत ८ चौकार व २ षटकारांसह ७० धावांची मॅच विनिंग खेळी केली. RCB ने हा सामना ११ धावांनी जिंकून गुणतालिकेत तिसऱ्या क्रमांकावर कूच केली आहे.
