Dark Circle Solution : जाता जात नाहीत हट्टी डार्क सर्कल्स? ट्राय करा ऋजुता दिवेकर यांच्या खास टिप्स

Rujuta Diwekar's Tips For Dark Circles In Marathi : डोळ्यांभोवतीची काळी वर्तुळे तुमच्या चेहऱ्याचं सौंदर्यच घालवते. चेहरा निस्तेज वाटतो. त्यामुळे कितीही छान तयार झालो तरी चेहरा डल वाटतो. अशा सगळ्या कटकटींतून तुम्हालाही जावे लागत असेल तर आता चिंता मुक्त व्हा.

प्रसिद्ध डाएटिशियन ऋजुता दिवेकर या सोशल मीडियावर कायम अॅक्टिव्ह असतात. त्वचा, सौंदर्याला पुरक अशा अनेक गोष्टींच्या टिप्स त्या शेअर करत असतात. त्यांनी हे डार्क सर्कल्स घालवण्यासाठी काही घरगुती उपाय सांगितले आहेत. जाणून घेऊया

शेंगदाणे, गुळ, खोबरे

डार्क सर्कलपासून सुटका मिळवण्यासाठी शेंगदाण्यासोबत गुळ आणि खोबरे खावे. यासाठी एका वाटीत दुपारच्या नाश्त्यात थोडे शेंगदाणे, गुळ, खोबरे घेऊन खावे. त्यातील स्निग्ध पदार्थांमुळे शरीराला ऊब मिळते. शिवाय हे केसांच्या वाढीसाठीही उपयुक्त ठरते. शरीरातील अनेक आजारांना टाळण्यासाठी हा उपाय गुणकारी आहे.

स्पेशल चहा

काळ्या वर्तुळांवर उपाय म्हणून एक स्पेशल चहा गुणकारी ठरेल. आले, तुळस, केशर टाकून चहा बनवा. त्यात साखरे ऐवजी मध घाला. हा चहा दिवसातून एकदा प्यावा. या चहामुळे शरीरात योग्य पोषणतत्वे मिळतात. चहातील केशरामुळे त्वचेचा पोत सुधारण्यास मदत होते. शिवाय तुळशी, आल्याचेही अनेक फायदे आरोग्याला मिळतात. रोज शक्य नसल्यास आठवड्यातून दोनदा सेवन करावे.

क्लिंझर वापरणे उपयुक्त

काळ्या वर्तुळांसाठी क्लिंझरचा वापर फार उपयुक्त ठरू शकतो. त्यामुळे चेहऱ्यावर चमकही येईल. यासाठी एका वाटीत बेसन आणि त्यात ताजे दूध एकत्र करून चेहऱ्याला लावा. काही दिवस कोणत्याही प्रकारचे फेसवॉश, साबण वापरू नका. यामुळे चेहऱ्याचा पोत सुधारण्यास आणि डोळ्यांखालील काळे वर्तुळे कमी होतील.

दुपारी अर्धातास झोपावे

दिवेकर म्हणतात की, काळी वर्तुळं घालवण्यासाठी दुपारची झोप फार आवश्यक असते. रोज दुपारी अर्धातास झोप घ्या. तुमचा थकवा दूर करण्यासोबतच त्वचेलाही फायदा होईल. शरीराला, त्वचेला थकवा दूर करण्यासाठी आवश्यक पोषण या झोपेमुळे मिळेल. शरीरातील दोष दूर करण्यासाठी शरीराला विश्रांतीची आवश्यकता असते.