Maharashtra Politics: मविआच्या सभेआधी हालचालींना वेग; राष्ट्रवादीचा बडा नेता मुंबईला रवाना

महाविकास आघाडीच्या नागपूरमधील सभेआधी हालचालींना वेग आला आहे. राष्ट्रवादीचा बडा नेता मुंबईला रवाना झाल्याची माहीती आहे.

नागपुरात मविआची सभा पार पडणार आहे. मात्र या सभेपूर्वी हालचालींना मोठा वेग आला आहे. मविआच्या सभेपूर्वीच राष्ट्रवादीचे नेते माजी मंत्री अनिल देशमुख मुंबईला रवाना झाले आहेत. नागपुरमध्ये होणाऱ्या वज्रमूठ सभेच्या स्थळाची पाहणी आज अनिल देशमुख हे राष्ट्रवादीच्या कार्यकर्त्यांसोबत करणार होते. मात्र पहाणी रद्द करून अनिल देशमुख मुंबईला रवाना झाले आहेत.

अनिल देशमुख मुंबईला का गेले याचं कारण अस्पष्ट आहे, मात्र महत्त्वाच्या कामासाठी मुंबईला गेले असल्याचं सांगण्यात येत आहे. यामुळे आता मविआमध्ये समन्वयाचा अभाव आहे का? असा प्रश्न पुन्हा एकदा चर्चेला आला आहे.

दरम्यान नागपुरामध्ये होणारी महाविकास आघाडीची सभा विविध कारणांमुळे चर्चेत आली आहे. पूर्वी या सभेला भाजपने विरोध केला होता. भाजपकडून सुरू असलेल्या विरोधामुळे ही सभा चर्चेत आली होती. आता पुन्हा एकदा ही सभा चर्चेत आली आहे. सभेपूर्वी मविआचे नेते सुनील केदार, विनायक राऊत यांनी या मैदानाची पहाणी केली होती. आज अनिल देशमुख या मैदानाची पहाणी करणा होते. मात्र त्यापूर्वीच अनिल देशमुख मुंबईला रवाना झाल्यानं चर्चेला उधाण आलं आहे.

तर या सभेबाबत काँग्रेसचे प्रदेशाध्यक्ष नाना पटोलेही नाराज असल्याच्या चर्चा आहेत. त्यामुळे महाविकास आघाडीत बिघाडी होणार का? असा प्रश्न समोर आला आहे.