जळगाव - ‘विरोधात राहण्याची कुणाची इच्छा नाही, सत्तेशिवाय ही मंडळी राहू शकत नाही अशी आजची स्थिती आहे. आमच्यासह मित्रपक्षांमधून सत्ताधारी पक्षांमध्ये अनेक नेते गेले आणि अनेकांची रिघ लागली आहे. ही गर्दी केवळ स्वार्थासाठी जाते..पण, लोकशाहीत राज्यांमध्ये अथवा केंद्रातही विरोधकांचा हिस्सा ५० टक्क्यांहून अधिकच असतो. त्यामुळे सत्तेकडे जाणाऱ्या स्वार्थी लोकांमुळे आमच्या पक्षात नव्या नेत्यांसह कार्यकर्त्यांसाठी मोठी जागा निर्माण होत आहे,’ असे मत शिवसेना (उद्धव बाळासाहेब ठाकरे) पक्षाचे राज्यसभेतील खासदार संजय राऊत यांनी व्यक्त केले..स्थानिक स्वराज्य संस्थांच्या आगामी निवडणुकांच्या पार्श्वभूमीवर राऊत जळगावी आले होते. येथील स्थानिक दैनिकांच्या संपादकीय प्रमुखांशी त्यांनी शनिवारी संवाद साधला. या वेळी माजी खासदार उन्मेष पाटील, संपर्क प्रमुख संजय सावंत, विराज कावडिया, भायखळ्याचे आमदार मनोज जामसुतकर आदी उपस्थित होते..राऊत म्हणाले, ‘सध्याची राजकीय स्थिती पाहता पैशाशिवाय निवडणुका जिंकणे कठीण झाले असून हे लोकशाहीसाठी घातक आहे. केंद्रीय यंत्रणांचा दबाव, सुडाचे राजकारण आणि सत्तेच्या हव्यासापोटी विरोधी पक्षांमधील नेते सत्ताधारी पक्षांमध्ये सामील होत आहे. तत्त्वाच्या राजकारणाला मूठमाती दिली जात आहे.’.‘राज ठाकरे यांच्या एकत्र येण्याच्या भूमिकेला आम्ही सकारात्मक प्रतिसाद दिला. दोन्ही पक्षप्रमुखांची, पक्षातील हजारो कार्यकर्त्यांची हे दोन्ही पक्ष एकत्र आले पाहिजे, अशी इच्छा असून आज ना उद्या राज व उद्धव ठाकरे एकत्र येणारच आहेत,’ असा ठाम विश्वास राऊत यांनी व्यक्त केला..रोकड प्रकरण फडणवीस तडीस नेतील‘विधानसभेच्या अंदाज समितीच्या दौऱ्याच्या वेळी धुळ्यातील शासकीय विश्रामगृहात आढळून आलेल्या रोकडचे प्रकरण अत्यंत गंभीर आहे. मुख्यमंत्री देवेंद्र फडणवीस हे प्रकरण पूर्ण तडीस नेतील, गुन्हेगारांना सोडणार नाहीत,’ अशी अपेक्षा त्यांनी व्यक्त केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
