Tukaram Mundhe Birthday: तुकाराम मुंढेंचा जन्मदिवस! शेतकरी पुत्र ते आयएएसपर्यंतचा प्रवास; प्रामाणिकपणा आणि शिस्तीची कहाणी

IAS Tukaram Mundhe : महाराष्ट्रातील सर्वाधिक चर्चेत राहिलेल्या आणि कठोर प्रशासनासाठी ओळखल्या जाणाऱ्या आयएएस अधिकाऱ्यांमध्ये तुकाराम हरिभाऊ मुंढे यांचे नाव अग्रक्रमाने घेतले जाते. महाराष्ट्राच्या अन्न व औषध प्रशासन (FDA) विभागाचे आयुक्त म्हणून कार्यरत असलेले मुंढे हे प्रामाणिक, कर्तव्यदक्ष आणि तडजोड न करणारे अधिकारी म्हणून प्रसिद्ध आहेत. त्यांचा आज जन्मदिवस आहे. शेतकरी कुटुंबातून आलेल्या या अधिकाऱ्याने संघर्षमय बालपणातून देशातील सर्वोच्च प्रशासकीय सेवेत स्थान मिळवत अनेकांसाठी प्रेरणादायी आदर्श निर्माण केला आहे.