प्रथेला दिला फाटा, पाच लेकींनी दिला जन्मदात्या वडिलांच्या पार्थिवाला खांदा

नातू तेजसने आजोबाला दिला अग्निडाग
Aurangabad News
Aurangabad Newsesakal

औरंगाबाद : आजही जन्मदात्या वडिलांच्या पार्थिवाला मुलानेच खांदा देण्याची भारतात प्रथा (Tradition) आहे. मात्र या प्रथेला छेद देणारी घटना मराठवाड्याची राजधानी औरंगाबादेतील (Aurangabad) बजाजनगरमध्ये आज गुरुवारी (ता.२०) घडली आहे. येथील पाच मुलींनी आपल्या वडिलांच्या पार्थिवाला खांदा दिला, तर नातवाने आजोबाला अग्निडाग दिला आहे. येथे पुरुषोत्तम चंदुलाल खंडेलवाल (वय ७२, रा.बजाजनगर) हे पत्नी मीना आणि रेखा, राखी, राणी, आरती व पूजा या मुलींसह बजाजनगरमध्ये कामानिमित्त आले होते. मुलगा नसल्याची खंत त्यांना कधीच जाणवली नाही.(Five Girls Conduct Final Rituals On Their Father In Aurangabad)

Aurangabad News
लेकीच्या लग्नातील अनावश्यक खर्च टाळला, शेतकरी कुटुंबाच्या घराचे स्वप्न केले पूर्ण

त्यांनी मुलींनी पदवीपर्यंत शिकवले. त्यांची लग्न लावून दिली. बुधवारी (ता.१९) सकाळी आठच्या सुमारास पुरुषोत्तम खंडेलवाल फ्रेश होण्यासाठी बाथरुममध्ये गेले. बराच वेळ झाला तरी ते बाहेर न आल्याने शेजारील नागरिकांच्या मदतीने मुलीने दरवाजा तोडला. त्यावेळी पुरुषोत्तम खंडेलवाल यांचा मृत्यू झाल्याचे लक्षात आले. त्यांच्या दुसऱ्या राज्यात असलेल्या दोन्ही मुली आज गुरुवारी आल्या. पाच मुलींनी धार्मिक प्रथेला फाटा देत वडिलांच्या पार्थिवाला खांदा देण्याचा निर्णय घेतला. नातू तेजस याने आजोबांना अग्निडाग दिला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com