आयुक्तांचा महत्त्वाचा निर्णय, 'इथे' भाजी मार्केट १४ एप्रिलपर्यंत राहणार बंद...

भिवंडी : कोरोनाचा प्रसार रोखण्यासाठी शासन आदेशानुसार संचारबंदी करूनही भिवंडी शहरात सर्व रस्त्यांवर गर्दी होत आहे. शहरातील शिवाजीनगर तीनबत्ती भाजी मार्केट येथे दररोज हजारो नागरिक भाजी खरेदीसाठी गर्दी करीत असल्याचे निदर्शनास आले आहे. त्यामुळे महानगरपालिका आयुक्तांच्या आदेशाने तीनबत्ती येथील घाऊक व किरकोळ भाजी विक्री येत्या 14 एप्रिलपर्यंत बंद करीत असल्याचा निर्णय घेण्यात आला आहे. त्यामुळे आजपासून भाजीपाला मार्केट बंद करण्यात आले.

मोठी बातमी - हा फोटो इटली किंवा अमेरिकेतील नाही; हे आहे मुंबईतील NSCI डोम क्वारंटाईन सेंटर

दरम्यान, भाजीपाला मार्केटमध्ये काही भाजी विक्रेत्यांमध्ये मतभेद आहेत. त्यामुळे निजामपूर पोलिसांनी अनुचित प्रकार घडू नये यासाठी विशेष पोलिस बंदोबस्त तैनात केला आहे.

भिवंडीतीलतील शिवाजीनगर तीनबत्ती भाजी मार्केटमध्ये सकाळी घाऊक व किरकोळ विक्रेत्यांसोबत नागरिक तोंडावर मास्क न लावता गर्दी करीत असल्याने कोरोनाचा प्रादुर्भाव फैलावण्याची भीती व्यक्त केली जात होती. त्यासाठी महानगरपालिका व पोलिस प्रशासनाने पुढाकार घेत शिस्त लावण्याचा प्रयत्न केला. परंतु, त्यानंतरही परिस्थितीत सुधारणा होत नसल्याने महानगरपालिका प्रशासनाने अखेर भाजी मार्केट बंद करण्याचा निर्णय घेतला.

मोठी बातमी - मुख्यमंत्री उद्धव ठाकरे यांचा आमदार होण्याचा मार्ग मोकळा...

शहरातील घाऊक भाजी विक्रेत्यांनी पोगाव येथील नियोजित जागेवर खरेदी व्यवहार करून तो किरकोळ विक्रेत्यांना विक्री केल्यावर संबंधित किरकोळ विक्रेत्यास त्यांच्या प्रभागात जाण्यासाठी फक्त भाजीविक्रेते म्हणून ओळखपत्र दिले जाणार आहे. त्यांनी विक्री परिसरात सामाजिक अंतर बाळगत आपला व्यवसाय करून महानगरपालिका प्रशासनास सहकार्य करणे आवश्यक असल्याचे आयुक्त डॉ. प्रवीण आष्टीकर यांनी आदेशात स्पष्ट केले आहे.

bhiwandi municipal corporation decides to keep shivajinagar market close till 14th march