Mumbai News : मिठी नदीत सापडला मृतदेह; पोलीसांकडून तपास सुरू

मुंबई - मुंबईच्या कुर्ला परिसरातून वाहणाऱ्या मिठी नदीमध्ये बुधवारी अज्ञात व्यक्तीचा मृतदेह सापडला आहे. मृतदेह 40 वर्षाच्या पुरूषाचा असल्याचा अंदाज पोलिसांकडून व्यक्त करण्यात येत आहे.

त्याप्रकरणी पोलिसांनी अपमृत्यूची नोंद केली आहे. मृतदेहाची ओळख अद्याप पटली नसल्याचे पोलिसांनी सांगितले.कुर्ला येथील कबरस्तानच्या मागून वाहणाऱ्या मिठी नदीच्या पाण्यात एक मृतदेह तरंगत असल्याचा कॉल बुधवारी मुंबई पोलिसांना आला होता. त्याबाबतची माहिती स्थानिक कुर्ला पोलिसांना दिल्यानंतर एक पथक घटनास्थळी दाखल झाले.

अग्निशमन दलातील जवानांच्या मदतीने मिठी नदीतून मृतदेह बाहेर काढण्यात आला. त्यानंतर तात्काळ मृतदेह राजावाडी रुग्णालयात पाठविण्यात आला. याप्रकरणी कुर्ला पोलिसांनी अपमृत्युची नोंद केली आहे. मृतदेहाची अद्याप ओळख पटलेली नाही. मृत व्यक्ती सुमारे 40 वर्षांचा असल्याची अंदाज व्यक्त करण्यात येत आहे.