पलावा जंक्शन परिसरातील वायू प्रदूषण रोखा; आमदार पाटील यांच्या अधिकाऱ्यांना सूचना

MNS MLA raju patil
MNS MLA raju patilsakal media

डोंबिवली : कल्याण शीळ रोडचे सिमेंट काँक्रीटीकरणचे (cement concrete work) काम सुरू आहे. वाहनांमुळे माती व सिमेंटचा धुरळा उडून वाहनचालकांना नाहक त्रास सहन करावा लागत आहे. पलावा जंक्शन परिसरात (Palava junction area) चारही दिशेने वाहने येत असल्याने या ठिकाणी तात्पुरता स्वरूपात डांबरीकरण करण्यात यावे अशी सूचना कल्याण ग्रामीणचे आमदार राजू पाटील (Raju Patil) यांनी अधिकाऱ्यांना दिली. कल्याण शीळ रोडचे एमएसआरडीसीच्या (MSRDC) माध्यमातून सिमेंट काँक्रीटीकरणचे काम करण्यात येत आहे. या रस्त्याची सोमवारी आमदार राजू पाटील यांनी अधिकाऱ्यां समवेत पहाणी केली. यावेळी एमएसआरडीसीचे वरिष्ठ अभियंता नागपाल, उप अभियंता बोरडे, केडीएमसीचे इ वॉर्ड अधिकारी राजेश वसईकर, वाहतूक शाखेचे सहाय्यक पोलीस निरीक्षक अतुल चौधरी उपस्थित होते.

MNS MLA raju patil
ठाणे : अल्पवयीन मतिमंद मुलीवर बलात्कार; आरोपी गजाआड

कल्याण शिळ रस्त्याच्या डीपीआर मध्ये नैसर्गिक नाल्यांचा समावेश करण्यात आला नव्हता. या मध्ये हे नैसर्गिक नाले नसल्याने रस्त्यावर पाणी तुंबण्याची भीती व्यक्त केली जात होती. या संदर्भात मनसेचे आमदार पाटील यांनी शासन स्तरावर नैसर्गिक नाले उभारणीसाठी पाठपुरावा केला होता. यावर एमएसआरडीसी ने नवीन नाले निधी उपलब्धतेचा प्रस्ताव शासनाकडे पाठविला असल्याचे सांगितले. हे नाले काम झाल्यास पावसाळ्यात रस्त्यावर पाणी साचून वाहनचालकांना होणारा त्रास कमी होणार आहे.

अनधिकृत बांधकामांवर कारवाई कधी ?

कल्याण शिळ रोड वरील पलावा चौक महत्वाचा आहे. या चौकात निळजे हेवन, काटई, कासा रिओ पलावा सिटी आणि शिळफाटा येथून वाहनांची वाहतूक होत असते. मात्र चौकातील अनधिकृत बांधकामे हि वाहतूक कोंडी सह अपघातांना निमंत्रण देखील देत आहेत. पलावा जंक्शन परिसरात पलावा पुलाचे काम सुरु आहे. यात आडकाठी ठरणारी धोकादायक अनधिकृत बांधकामे तोडण्यासाठी महानगरपालिका चालढकल करत आहे. या बांधकामांवर महानगरपालिकेने तातडीने कारवाई करावी अशी मागणी देखील वाहनचालक करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com