Kolhapur : मिस यू मम्मी, डॅडी..., शिवाजी विद्यापीठात हॉस्टेलमध्ये २३ वर्षीय विद्यार्थीनीनं संपवलं आयुष्य

कोल्हापूर, ता. २१ : शिवाजी विद्यापीठातील मुलींच्या वसतिगृहात इशिता मधुसुदन सावंत (वय २३, रा. रामभुवन वाडा, रायबंदर, गोवा) हिने गळफास घेऊन आत्महत्या केली. शुक्रवारी रात्री अकराच्या सुमारास हा प्रकार उघडकीस आला. मृत्यूपूर्वी तिने लिहिलेली चिठ्ठी पोलिसांच्या हाती लागली असून 'मिस यू डॅडी, मम्मी, मला माफ करा' असे तिचे शेवटचे शब्द लिहिले आहेत. आत्महत्येचे नेमके कारण मात्र समजू शकले नाही.