सोलापूर - संतबाळू मामा यांची पालखी मौजे व्होळे, ता. पंढरपूर येथे मुक्कामी होती. सदर पालखीमध्ये दीड किलो वजनाचे चांदीच्या श्री. संत बाळूमामा यांच्या पादुका होत्या. रात्रीच्या वेळी पालखीच्या संरक्षणासाठी रणजीत माने हे रखवालदार थांबले होते..रात्री 12/15 वा. च्या सुमारास एक चोरटा पालखीचे दर्शन घेणाचा बहाणा करून पालखीजवळ गेला. पालखीचे दर्शन घेवून पालखीतील दोन्ही पादका काढून रस्त्याच्या बाजूने पळत निघाला. परंतू रखवालदार माने यानी त्याचा संशय आला त्यावेळी त्यांनी आरडाओरड केला.लोकांनी पळून जाणारे इसमाचा अंधारात शोध घेतला, परंतू तो चांदीच्या पादुकासह निघून गेला. त्याबाबत पालखीचे कारभारी यांनी दिलेल्या फिर्यादीवरून करकंब पोलीस ठाणेस गु.र.नं 41/2025 भा.न्या.सं.क 303 (2) प्रमाणे गुन्हा दाखल होता..या गुन्ह्याचा तपास करकंब पोलीस करत होते. यामध्ये करकंब पोलीसांना गोपनिय बातमीदाराने मौजे खरातवाडी येथील इसमन बालाजी खेला खरात हा मागील काही दिवसापासून चैनी करत असल्याची माहिती पुरवली.तेव्हापासून पोलीसांनी त्याच्यावर नजर ठेवून माहिती काढली असता दिनांक 09 फेब्रुवारी 2025 रोजी व्होळे येथील पादुका यानेच चोरी केले असल्याची माहिती मिळाली. त्यास ताब्यात घेवून पोलीस अधिक विश्वासात घेवून तपास केला असता बाळू मामा यांच्या पालखीतील चांदीच्या पादुका चोरी केले असल्याची कबूली दिली..तसेच त्या पदुका या पंढरपूर येथील सोनाराकडे असल्याचे सांगितले. त्यावरून सदरच्या पादुका या हस्तगत करण्यात आलेल्या असून आरोपीस पोलीस कोडठी रिमांड घेण्यात आलेली आहे. त्याच्याकडे अधिक तपास सुरू आहे..सदरची कामगिरी ही मा.श्री. अतुल कुलकर्णी, पोलीस अधीक्षक, सोलापूर ग्रामीण, मा. श्री. प्रितम यावलकर, अपर पोलीस अधीक्षक, सोलाूपर ग्रामीण, व मा. श्री. अर्जुन भोसले, उपविभागीय पोलीस अधिकारी, पंढरपूर उपविभाग सोलापूर यांच्या मार्गदर्शनाखाली करकंब पोलीस ठाण्याचे प्रभारी अधिकारी सागर कुंजीर, पोलीस निरीक्षक निलेश गायकवाड, पोलिस हवालदार दत्तात्रय रासकर, अभिजीत कांबळे आदींनी ही कारवाई केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
