तिसऱ्या लाटेचा विचार करुन नियोजन करा : अजित पवारांच्या सूचना | Sakal
sakal

बोलून बातमी शोधा

तिसऱ्या लाटेचा विचार करुन नियोजन करा : अजित पवारांच्या सूचना

तिसऱ्या लाटेचा विचार करुन नियोजन करा : अजित पवारांच्या सूचना

बारामती : ''कोरोनाच्या संभाव्य तिसऱ्या लाटेत(Third wave of Corona) लहान मुलांना(children) धोका होण्याची शक्यता लक्षात घेऊन आवश्यक नियोजन करावे, कोरोनाची साखळी तोडण्यासाठी उपाययोजना कराव्यात'' अशी सूचना उपमुख्यमंत्री अजित पवार(Ajit pawar) यांनी दिल्या.

शनिवारी (ता. 15) बारामतीतील विद्या प्रतिष्ठानमध्ये झालेल्या बैठकीत त्यांनी या सूचना दिल्या. अजित पवार म्हणाले, ‘कोरोना’च्या संभाव्य तिसऱ्या लाटेमध्ये लहान बालके बाधित झाल्यास आवश्यक उपचार वेळेत देण्यासाठी तालुक्यातील आरोग्य विभाग व स्थानिक प्रशासनाने योग्य काळजी घ्यावी. लहान मुलांवरील उपचाराबाबत मार्गदर्शन, प्रतिबंधात्मक औषधे, आवश्यक साधनसामग्री व वैद्यकीय सुविधा उपलब्ध करण्याबाबत तयारी करावी.

हेही वाचा: राजुरीत अज्ञाताने युरिया टाकल्याने कांदा सडला

शासकीय व खाजगी रुग्णालयांनी लहान मुलांसाठी स्वतंत्र खाटा राखीव ठेवाव्यात. 'म्युकरमायकोसिस' रोगाचा प्रादुर्भाव कोरोना रूग्णांमध्ये वाढत आहे. औषधांचा व लहान मुलांवरील उपचाराच्या औषधांसह साधनांची कमतरता पडणार नाही याची काळजी घ्यावी, कोरोना बाधित लहान मुलांच्या पालकांची निवासाची सोय गरजेचे असल्याचेही ते म्हणाले.

नगराध्यक्षा पौर्णिमा तावरे, उपनगराध्यक्ष अभिजीत जाधव, सभापती नीता फरांदे, उपविभागीय अधिकारी दादासाहेब कांबळे, अतिरिक्त पोलिस अधिक्षक मिलिंद मोहिते, उपविभागीय पोलीस अधिकारी नारायण शिरगावकर, तहसिलदार विजय पाटील, मुख्याधिकारी किरणराज यादव, अधीक्षक अभियंता अतुल चव्हाण, कार्यकारी अभियंता मिलिंद बारभाई, उपअभियंता विश्वास ओव्हाळ, राजेंद्र धोडपकर, वैद्यकीय अधिक्षक डॉ. सदानंद काळे, तालुका आरोग्य अधिकारी डॉ. मनोज खोमणे, वैद्यकीय महाविद्यालयाचे अधिष्ठाता डॉ. चंद्रकांत म्हस्के, गटविकास अधिकारी राहुल काळभोर, गटनेते सचिन सातव, संभाजी होळकर, ज्येष्ठ नगरसेवक किरण गुजर, गट नेता सचिन सातव उपस्थित होते.

हेही वाचा: केंद्राने खताच्या किंमती कमी कराव्यात : अजित पवार

पुण्याच्या बातम्या वाचण्यासाठी क्लिक करा

Web Title: Ajit Pawar Suggest Plan According Asuming Third Wave

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune News