वैष्णवी हगवणे मृत्यू प्रकरणी फरार असलेल्या सासरे राजेंद्र हगवणे आणि दीर सुशील हगवणे या दोघांनाही आज सकाळी अटक करण्यात आली. त्यांना न्यायालयात हजर केल्यानंतर २८ मे पर्यंत पोलीस कोठडी सुनावण्यात आली आहे. दरम्यान, वैष्णवीने सासरच्या छळाला कंटाळून आत्महत्या केल्या प्रकरणी गुन्हा दाखल झाला आहे. मात्र या घटनेत वैष्णवीच्या शरिरावर मारहाणीच्या खुणा आढळल्या होत्या. त्यामुळे तिच्या खूनाचा संशय व्यक्त केला जात आहे.