Nandurbar News : डॉ. हिना गावित यांनी घेतली चंद्रकांत रघुवंशी यांची भेट!

Nandurbar News : महायुतीच्या उमेदवार डॉ. हिना गावित यांनी प्रचाराचा शुभारंभ करून झाल्यावर रॅलीने जात असतानाच शिंदे गटाचे शिवसेना नेते माजी आमदार चंद्रकांत रघुवंशी यांची भेट घेत आशीर्वाद घेतले. नंदुरबारच्या राजकीय पार्श्‍वभूमीवर ही घटना शहरवासीयांना धक्का देणारी ठरली. त्यामुळेच रघुवंशी व गावित यांची भेट चर्चेची सुद्धा बनली. (Dr. Heena Gavit met Chandrakant Raghuvanshi)

शहरातील गणेश मंदिरात श्री गणेशचरणी नारळ वाढवून नंदुरबार शहरात प्रचाराचा शुभारंभ केल्यानंतर महायुतीच्या उमेदवार डॉ. हिना गावित यांनी सकाळी अकराच्या सुमारास शिंदे गटाच्या शिवसेना कार्यालयात जाऊन शिवसेनेचे संपर्कनेते तथा माजी आमदार चंद्रकांत रघुवंशी यांची भेट घेतली. (Latest Marathi News)

श्री. रघुवंशी यांनी पुष्पगुच्छ देऊन डॉ. गावित यांना शुभेच्छा दिल्या. यावेळी शिवसेना शिंदे गटाचे जिल्हाप्रमुख राम रघुवंशी, भाजपचे जिल्हाध्यक्ष निलेश माळी, डॉ. विक्रांत मोरे, आनंदा माळी, माजी गटनेते चारुदत्त कळवणकर, माजी नगराध्यक्ष कुणाल वसावे, माजी उपनगराध्यक्ष परवेज खान, रवींद्र पवार आदी उपस्थित होते.