NMC Flower Festival : पुष्पोत्सवासाठी 42 लाखांचा खर्च

नाशिक : महापालिकेकडून मार्च महिन्याच्या सुरवातीला पुष्पोत्सवाचे आयोजन करण्याची तयारी उद्यान व वृक्षप्राधिकरण विभागाने केली आहे. त्यासाठी महासभेने ४१. ९० लाखांच्या प्रशासकीय खर्चाला मंजुरी दिली. (Expenditure of 42 lakhs for NMC Flower Festival nahsik news)

हेही वाचा : हिंडेनबर्ग अहवालाचा फटका भाजपला भविष्यात बसणार?

१९९३ मध्ये महापालिकेच्या पहिला पुष्पोत्सव भरविण्यात आला होता. २००८ मध्ये कोटेशन घोटाळ्यामुळे परंपरा खंडित झाली. २०१९ पासून पुन्हा पुष्पोत्सव सुरू झाला. कोरोनामुळे मागील दोन वर्षांपासून पुष्पोत्सव झाला नाही.

आता उद्यान विभागाकडून पुन्हा नव्याने पुष्पोत्सव होत आहे. मार्च महिन्याच्या पहिल्या आठवड्यात पुष्पोत्सव आयोजित करण्याची उद्यान विभागाची तयारी आहे.

त्यासाठी ४१.९० लाखांच्या खर्चाच्या प्रस्तावास महासभेने नुकतीच प्रशासकीय मंजुरी दिली असून, येत्या दोन दिवसात पुष्पोत्सव प्रदर्शनाची तारीख निश्चित केली जाणार आहे. अशी माहिती उद्यान विभागाचे उपायुक्त विजयकुमार मुंडे यांनी दिली.