नागपूर ः गेल्या चोविस तासात घडलेल्या घरफोडीच्या दोन घटनेत चोरट्यांनी ७ लाख ७१ हजार रुपयांचा मुद्देमाल चोरून नेला. विशेष म्हणजे चोरट्यांनी या दोन्ही घरफोड्या भरदिवसा केल्या आहेत.
पोलिसांनी दिलेल्या माहितीनुसार, सक्करदरा हद्दीतील क्वॉर्टर नं. एल/८/३४, रघुजी नगर येथे राहणाऱ्या फिर्यादी मिनाक्षी दीपक खसाळे (वय ६०) या ६ डिसेंबरला दुपारी ४ वाजताच्या सुमारास वरूड (जि.अमरावती) येथे परिवारासह गेल्या होत्या. ७ डिसेंबर रोजी त्या परतल्या असता घरी चोरी झाल्याचे लक्षात आले.
चोरट्यांनी त्यांच्या घराच्या मुख्य दाराचे लॉक तोडून आत प्रवेश केला आणि घरातील सोन्याचे दागिने व नगदी ५० हजार रुपये असा एकूण ६ लाख ७७ हजार रुपयांचा मुद्देमाल चोरून नेला. याप्रकरणी फिर्यादीने दिलेल्या तक्रारीवरून सक्करदरा पोलिसांनी आरोपीविरूध्द गुन्हा नोंदवून तपास सुरू केला आहे.
दुसरी घटना बेलतरोडी पोलीस ठाण्याच्या हद्दीत घडली. जैन सोसायटी, शाम नगर, नागपूर येथे राहणारे फिर्यादी धनसिंग फागुनाथ चव्हाण (वय ४९) यांच्या मुलीचे ७ डिसेंबर रोजी दुपारी लग्न असल्याने ते सकाळी ११ वाजताच्या सुमारास घराला लॉक लावून रंजना सेलिब्रेशन हॉल, सुयोग नगर, नागपूर येथे गेले. लग्न समारंभ आटोपून ते सायंकाळी घरी परतले असता त्यांना चोरी झाल्याचे लक्षात आले.
अज्ञात चोराने घराच्या मुख्य दाराचे लॉक तोडून आत प्रवेश करून बेडरूममधील आलमारीतील सोन्याचे दागिने व नगदी ८० हजार रुपये असा एकूण ९६ हजार रुपयांचा मुद्देमाल चोरून नेला. याप्रकरणी फिर्यादीने दिलेल्या तक्रारीवरून बेलतरोडी पोलिसांनी अज्ञात चोरट्याविरोधात गुन्हा नोंदवून तपास सुरू केला आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.