Video : वर्ध्यात घडली चिड आणणारी घटना; सैतान युवकाचे चिमुकल्याशी अनैसर्गिक कृत्य अन्‌...

वर्धा : इतवारा परिसरात एका विकृत युवकाने सात वर्षीय चिमुकल्याचा खून केला. ही घटना अनैसर्गिक कृत्यातून घडल्याचा संशय पोलिसांकडून व्यक्त करण्यात येत आहे. विशाल गजानन जोगदंड (वय 26) असे आरोपीचे नाव आहे. ही घटना शुक्रवारी सायंकाळी उशिरा उघडकीस आली. घटनेनंतर नागरिकांनी आरोपीला चांगलाच चोप दिला. यात जखमी झाल्याने त्याच्यावर सेवाग्राम रुग्णालयात उपचार सुरू आहे. 

पोलिसांनी दिलेल्या माहितीनुसार, चिमुकल्या मुलाशी घडलेल्या विकृत घटनेची माहिती परिसरातील नागरिकांना कळताच संतापाचा चांगलाच भडका उडाला. आरोपीचा शोध घेत नागरिकांनी त्याच्या पाठलाग करून चांगलाच चोप दिला. घटनेची माहिती पोलिसांना कळताच घटनास्थळ गाठत आरोपीला नागरिकांच्या तावडीतून सोडून रुग्णालयात दाखल केले. पोलिसांनी आरोपीला ताब्यात घेताच परिसरातील नागरिकांनी थेट पोलिस ठाण्यावर धडक देत आमच्या स्वाधीन करा अशी मागणी करीत बराच वेळ घेराव घातला. यामुळे वातावरण चांगलेच चिघळले होते.

अधिक माहितीसाठी - तिचा मृतदेह रुग्णवाहिकेतून काढत घराच्या अंगणात ठेवला अन्‌ रडत रडत पळून गेला...

नागरिकांच्या संतप्त भावना आणि उद्रेक पाहता पोलिसांकडून रॅपीड ऍक्‍शन फोर्सच्या पोलिसांना पाचारण करण्यात आले होते. आरोपीवर कडक कारवाई करण्याच्या आश्वासनानंतर वातावरण शांत झाले. घटनेच्या दुसऱ्या दिवशी सकाळपासून या परिसरात भयाण शांतता होती. नागरिकांच्या संतप्त भावनांचा केव्हाही उद्रेक होऊ शकतो या शक्‍यतेने सकाळपासूनच घटनास्थळी आणि परिसरात पोलिसांचा कडा पाहरा होता. आरोपीवर सध्या सेवाग्राम रुग्णालयात उपचार सुरू असल्याने त्याला अटक करण्याची कारवाई अद्याप करण्यात आली नसल्याची माहिती पोलिसांकडून देण्यात आली आहे. 

अशी घटली घटना

तारफैल परिसरात असलेल्या फुकटनगर येथे विशात जोगदंड बऱ्याच दिवसापासून वास्तव्यास आहे. मात्र, काही दिवसांपासून तो या भागात नव्हता. काही दिवसांपूर्वी तो आला. परिसरातील सर्वांशी तो परिचित होता. याच परिचयातून त्याने घरासमोर खेळत असलेल्या चिमुकल्याला सोबत घेत आपले घर गाठले. रडण्याचा आवाज येत असल्याने घराच्या मागच्या बाजूस राहत असलेल्या काहींनी घराकडे धाव घेतली असता विशालने नागरिकांना परत पाठविले. परंतु, घराच्या मागील बाजूस राहणाऱ्या शेजाऱ्यास संशय आल्याने त्यांनी परिसरातील लोकांना ही गोष्ट सांगितली. यावेळी चिकुकल्याचे आई-वडील आणि परिसरातील नागरिक येत असल्याने कळताच विशालने घटनास्थळाहून पळ काढला. काही नागरिक त्याच्या मागे धावले आणि काहींनी चिमुकल्याचा शोध घेतला असता घरात असलेल्या पाण्याच्या टॅंकमध्ये त्याचा मृतदेह आढळून आला. चिमुकल्याचा मृतदेह अर्धनग्न असल्याने अनैसर्गिक कृत्याचा संशय पोलिसांकडून व्यक्त करण्यात आला आहे.

क्लिक करा - का दिला सीबीएसई शाळांना कारवाईचा इशारा, जाणून घ्या

आरोपी सेवाग्राम रुग्णालयात

संतप्त नागरिकांनी आरोपीला पकडून चांगलाच चोप दिला. यात तो गंभीर जखमी झाला. त्याला प्रारंभी जिल्हा सामान्य रुग्णालयात दाखल करण्यात आले होते. येथे प्रथमोपचार करून त्याला सेवाग्राम रुग्णालयात दाखल करण्यात आले. येथे त्यांच्यावर उपचार सुरू आहे. 

आरोपीला फाशी द्या नाही तर आमच्या स्वाधीन करा

मृत चिमुकल्याच्या आईने आरोपीला थेट फाशी द्या तसे होत नसेल तर त्याला आमच्या स्वाधीन करा, असे म्हणत आपला उद्वेग व्यक्त केला. यावेळी परिसरातील नागरिक चिडून असल्याचे दिसून आले आहे. अशा आरोपींना ठेवून काय करता, नागरिकांच्या स्वाधीन करा, आम्ही न्याय करायला तयार असल्याने बोलत होते. 

पाण्याच्या टॅंकमध्ये आढळला मृतदेह 
शुक्रवारी सायंकाळी चिमुकल्याचा खून झाल्याची माहिती मिळाली. यावेळी पोलिसांकडून घटनास्थळ गाठून पाहणी केली असता काही नागरिक आरोपीला मारहाण करीत होते. त्याला नागरिकाच्या तावडीतून सोडवून रुग्णालयात नेण्यात आले. यानंतर बेपत्ता मुलाची शोधाशोध केली असता पाण्याच्या टॅंकमध्ये मृतदेह आढळून आला. हा मृतदेह अर्धनग्न अवस्थेत असल्याने ही घटना अनैसर्गिक कृत्यातून घडली असावी असा संशय आहे. आरोपीवर सध्या सेवाग्रामनरुग्णालयात उपचार सुरू आहे. 
- योगेश पारधी, 
ठाणेदार, वर्धा शहर