चोरांचा मटणावर डल्ला, मतदारांनी अंड्यांवर भागवली भूक | Sakal
sakal

बोलून बातमी शोधा

 Saoji mutton
चोरांचा मटणावर डल्ला, मतदारांनी अंड्यांवर भागवली भूक

चोरांचा मटणावर डल्ला, मतदारांनी अंड्यांवर भागवली भूक

गोंडपिपरी : मतदारांना खूष करण्यासाठी उमेदवाराने पार्टीचे (Party)आयोजन केले.साधारणत तीस लोकांसाठी सात किलो मटन(Seven kg mutton) घेतले.गावात विषय नको म्हणून आडबाजूला चिंचेच्या झाडाखाली पार्टीचे नियोजन ठरले.मटन तयार करण्यासाठी इतर साहित्य जमा करण्यात आले.मटनावर ताव मारण्यासाठी मतदार याठिकाणी जमा झाले.जेवनापुर्वी मद्यपान करण्यासाठी हि मंडळी थोडीशी बाजुला गेली.पार्टीच्या ठिकाणी परतल्यानंतर उमेदवाराला धक्काच बसला.कारण सात किलो मटन चक्क गायब झाली होती.मतदारांना या प्रकाराची माहिती मिळाली अन त्यांचा हिरमोड झाला.

हेही वाचा: मुलीच्या छेडछाडीच्या कारणावरून झालेल्या मारहाणीत युवकाचा मृत्यू

शेवटी मटनाची पार्टी अंड्यावर निभवावी लागली.गोंडपिपरीत सध्या नगरपंचायतीच्या तिन प्रभागात निवडणुकीची रणधुमाळी सूरू आहे.यातील प्रभाग क्रमांक पंधरा मधील उमेदवारासोबत घडलेल्या या प्रकाराची रंजकदार चर्चा सूरू आहे.ती सात किलो मटन नेमकी कुणी चोरली याचा शोध उमेदवार घेत आहे.ओबीसी आरक्षण रद्द करण्यात आले.अन या प्रभागात सर्वसाधारण प्रवर्गासाठी उमेदवारी जाहिर झाली. तिन प्रभागापैकी पंधरा क्रमाकांच्या प्रभागात कमालीची रस्सीखेच आहे.या प्रभागात एकून पाच उमेदवार उभे आहेत.यापैकी दोन सख्ख्या जावा प्रभागात आमनेसामने आहेत.संपत्ती लपविल्याच्या आरोपाने या प्रभागातील प्रकरण जिल्हा न्यायालयात पोहचले होते.यामुळ या प्रभागातील निवडणुकांत कमालीची रंगत निर्माण झाली.अशात या प्रभागातील एका उमेदवार पतीन मतदारांसाठी बकरापार्टीचे आयोजन केले.गावात विषय व्हायला नको म्हणून गावालगत आडाबाजूला चिंचेच्या झाडाखाली पार्टी निश्चीत झाली.साधारणत तिस मतदारासाठी सात किलो मटन घेण्यात आले.मटन बणविण्यासाठीचे सःपुर्ण साहित्य नेण्यात आले.

हेही वाचा: बारावीच्या वेळापत्रकात बदल 'अर्धमागधी’ विषयाची परीक्षा आता ८ मार्चला

मतदारांना तिथे पाचारण करण्यात आले.पार्टीची सूरवात म्हणून मद्यपानासाठी उमेदवार या मंडळीला घेऊन बाजूला गेला.मद्यपान झाले अन मटन शिजविण्याची तयारी करण्याकरिता उमेदवार आला..अन बघतो तर काय मटन गायब होती.मटन चोरट्याने लांबविली हे लक्षात यायला त्याला वेळ लागला नाही.मटनाची चोरी झाल्याची माहिती कळताच मतदारांत कमालीची अस्वस्थता पसरली.याठिकाणी याप्रकारावरून बरीच चर्चा झाली.आजुबाजूला मटनाची शोधाशोधही करण्यात आली.पण मटणाचा काहीच पत्ता लागला नाही.शेवटी मतदाराःची समजूत काढीत उमेदवाराने मटनाची पार्टी अंड्यावर निभवली.गोंडपिपरीत घडलेल्या या प्रकाराची खमंग चर्चा सूरू आहे.आपली मटन नेमकी कुणी चोरली याचा शोध आता उमेदवार घेत आहे.दरम्यान विरोधी उमेदवाराने माणूस पाठवून मटनाची चोरी करायला लावल्याची जोरदार चर्चा आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top