Pune News: EVM वर आरोप करणाऱ्यांची फेरमतमोजणी होणार | Prashant Jagtap | Hadapsar Constituency

विधानसभा निवडणुकीनंतर महाविकास आघाडीच्या पराभूत उमेदवारांकडून ईव्हीएमबाबत संशय व्यक्त करण्यात आला होता. महाविकास आघाडीच्या तब्बल 105 उमेदवारांनी फेर मतमोजणीची मागणी निवडणूक आयोगाकडे (Election Commission) केली होती. मात्र आता केंद्रीय निवडणूक आयोगाने मूळ मतदान न मोजता मॉक पोलद्वारे मतदान मोजण्याचा पर्याय उमेदवारांसोबत ठेवला होता. त्यानंतर काही उमेदवारांनी सुप्रीम कोर्टाचे दरवाजे ठोठावले होते. मात्र, आता या उमेदवारांची फेरमतमोजणीची मागणी मान्य करण्यात आली असून फेर मतमोजणी होणार असल्याचं समोर आला आहे. त्यामुळे आता ईव्हीएम गडबडीबाबत 'दूध का दूध और पानी का पानी' होणार आहे. अशाप्रकारे फेरमतमोजणी होण्याची ही पहिलीच वेळ असणार आहे.