Thane News: Ghodbandar Road वर प्रचंड वाहतूककोंडी, रस्ते दुरुस्ती कामाचा फटका | Mumbai

ठाण्याकडून घोडबंदर रोडकडे जाणाऱ्या वाहिनीवर असलेल्या गायमुख घाटाच्या रस्त्याची दुरुस्ती करण्यात येणार आहे. या कामासाठी कासारवडवली वाहतूक शाखेने आज (२६ एप्रिल) मध्यरात्रीपासून २९ एप्रिल २०२५ रोजी मध्यरात्रीपर्यंत वाहतुकीत बदल केले आहेत. मात्र, आज सकाळपासूनच ठाणेकर नागरिकांना भीषण वाहतूक कोंडीचा सामना करावा लागत आहे. रस्त्याच्या दुरुस्तीमुळे विविध मार्गांवर वाहनांच्या रांगा लागल्या असून, नागरिकांमध्ये संताप व्यक्त केला जात आहे. याच परिस्थितीचा आढावा आमचे प्रतिनिधी विकास काटे यांनी घेतला आहे.