Share Market: आज कोणत्या शेअर्सवर नजर ठेवाल?

Share Market Big Fall: शुक्रवारी बीएसई सेन्सेक्स 102 अंकांनी घसरून बंद झाला. आयटीसी, मारुती आणि इन्फोसिला बसलेल्या तडाख्यामुळे शेअर बाजाराला चांगलाच तोटा झाला. 30 शेअर्सचा सेन्सेक्स 101.88 अंकांनी म्हणजेच 0.17 टक्क्यांनी घसरून 60,821.62 अंकांवर बंद झाला. तर एनएसईचा निफ्टी 63.20 अंकांनी म्हणजेच 0.35 टक्क्यांनी घसरून 18,114.90 वर बंद झाला.

सेन्सेक्सच्या शेअर्समध्ये आयटीसीला सर्वात मोठा घाटा झाला, तो तीन टक्क्यांनी घसरला. याशिवाय मारुती, इन्फोसिस, एनटीपीसी, एचसीएल टेक आणि टाटा स्टीलमध्येही लक्षणीय घट झाली. दुसरीकडे, एचडीएफसी, बजाज ऑटो, इंडसइंड बँक, कोटक बँक, टायटन आणि अॅक्सिस बँकच्या शेअर्समध्ये या काळातही तेजी दिसली.

इतर आशियाई शेअर बाजारांमध्ये, दक्षिण कोरियाचा कोस्पी आणि चीनचा शांघाय कंपोझिट तोट्यात राहिला, तर हाँगकाँगचा हँग सेंग आणि जपानचा निक्केई वधारला. दुपारच्या व्यवहारात युरोपातील प्रमुख शेअर बाजारही वाढले. दरम्यान, आंतरराष्ट्रीय तेल मानक ब्रेंट क्रूड 0.52 टक्क्यांनी वाढून 85.05 डॉलर प्रति बॅरलवर पोहोचले. स्टॉक एक्स्चेंजकडे उपलब्ध असलेल्या आकडेवारीनुसार, विदेशी संस्थागत गुंतवणूकदारांनी गुरुवारी 2,818.90 कोटी रुपयांचे शेअर्स विकले.

आज अर्थात सोमवारी कोणत्या शेअर्सवर नजर ठेवाल?

- एचडीएफसी (HDFC)

- बजाज ऑटो (BAJAJ-AUTO)

- कोटक बँक (KOTAKBANK)

- ऍक्सिस बँक (AXISBANK)

- ओएनजीसी (ONGC)

- हिन्डाल्को (HINDLACO)

- कोल इंडिया (COALINDIA)

- टाटा मोटर्स (TATA MOTORS)

- आयटीसी (ITC)

- टाटा कंज्यूमर प्रोडक्ट्स (TATACONSUM)

नोंद : क्रिप्टो मार्केट,शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो,शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.