स्मृती इराणी, मुलगी झोईश 'त्या' रेस्तराँचे मालक नाहीत; हायकोर्टाची क्लीनचीट | Sakal
sakal

बोलून बातमी शोधा

Smriti Irani

स्मृती इराणी, मुलगी झोईश 'त्या' रेस्तराँचे मालक नाहीत; हायकोर्टाची क्लीनचीट

नवी दिल्ली : केंद्रीय मंत्री स्मृती इराणी यांची मुलगी झोईश ही गेल्या काही दिवसांपासून गोव्यातील एका बेकायदा रेस्तराँमुळं चर्चेत आले होती. या रेस्तराँमध्ये गोमांस मिळत असल्याची बाबही समोर आल्यानं यावरुन अनेकांनी स्मृती इराणी टीकेच्या धनी झाल्या होत्या. पण आता दिल्ली हायकोर्टानं इराणी आणि त्यांच्या मुलीला या प्रकरणात क्लीनचीट दिली आहे. इंडिया टुडेनं याबाबत वृत्त दिलं आहे. (Smriti Irani daughter not owners of Goa restaurant no license issued says Delhi High court)

हेही वाचा: Monkeypox : 'गे' सेक्समुळं खरंच मंकीपॉक्स होतो का? WHOनं दिलं स्पष्टीकरण

दिल्ली हायकोर्टानं आपल्या आदेशात म्हटलं की, "केंद्रीय मंत्री स्मृती इराणी आणि त्यांची कन्या झोइश इराणी या दोघीही गोव्यातील रेस्तराँच्या मालक नाहीत. या दोघींनी या रेस्तराँच्या परवान्यासाठी कुठलाही अर्ज केलेला नाही, असं आमच्या निदर्शनास आलं आहे. हे रेस्तराँ किंवा त्याच्या जागा या दोन्हींपैकी एकही गोष्ट स्मृती इराणी किंवा त्यांच्या मुलीच्या मालकीची नाही"

हेही वाचा: Monkeypox : 'गे' सेक्समुळं खरंच मंकीपॉक्स होतो का? WHOनं दिलं स्पष्टीकरण

दरम्यान, स्मृती इराणी यांच्या मुलीनं वकिलांमार्फत यापूर्वीच आपल्यावरील आरोप फेटाळून लावले आहेत. गोव्यातील 'सिली सोल्स' नावाच्या रेस्तराँचे आपण मालक नाहीत, ना मी चालवते. तसेच स्मृती यांनी देखील आरोप फेटाळून लावत स्पष्ट केलं होतं की, ही लढाई आपण न्यायालयात न्यायालयात लढू.

हेही वाचा: ...तर उद्धव ठाकरेंची पण चौकशी करा; रवी राणांची खळबळजनक मागणी

काँग्रेसने आरोप करताना म्हटलं होतं की, उत्पादन शुल्क विभागाने इराणी यांच्या मुलीला कारणे दाखवा नोटीस दिली होती. नोटीस देणाऱ्या अधिकाऱ्याची कथितरित्या बदली करण्यात येत आहे. ही माहिती आरटीआयमधून मिळाली आहे. इराणींच्या मुलीने सिली बनावट दस्तऐवज देऊन बार लायसन्स मिळविले, असा काँग्रेसचे मीडिया व प्रचारप्रमुख पवन खेडा यांनी केला होता. तसेच पंतप्रधान नरेंद्र मोदी यांनी स्मृती इराणींना केंद्रीय मंत्रिमंडळातून काढून टाकावं, अशी मागणीही त्यांनी केली होती.

Web Title: Smriti Irani Daughter Not Owners Of Goa Restaurant No License Issued Says Delhi High Court

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..