Uddhav Thackeray : २५ वर्षांत शिवसेनेची भाजप झाली नाही, तशीच काँग्रेसही होणार नाही; ठाकरेंचं प्रत्युत्तर

जळगाव - शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी जळगावमध्ये सरदार वल्लभभाई पटेल यांच्या पुतळ्याचे अनावरण केलं. यावेळी त्यांनी भाजपसह शिंदे गटावर चौफेर टीका केली. उद्धव ठाकरे म्हणालेकी, काही लोकांच्या डोक्यात हवा गेली. त्या हवेच्या जोरावर हे फुग्यासारखे हवेत गेले आहेत. त्या फुग्यांना टाचणी लावण्याचं काम तुम्हा सर्वांना करायचं आहे.

१७ सप्टेंबरला मराठवाडा मुक्तीसंग्राम दिन आहे. त्याच्यानावावर लुटालूट करण्याचं काम सरकारचं सुरू आहे. वल्लभभाई पटेल यांनी मराठवाडा मुक्त केला. हिंदूंवर होणारे अत्याचार त्यांनी रोखलं. मात्र भाजपकडून महापुरुष चोरले जातात. भाजपने सरदार पटेल यांचा पुतळा उभारला. त्यांनंतर सुभाषचंद्र बोस यांना चोरलं. अगदी माझे वडील देखील चोरले. भाजप आणि संघाला आदर्श व्यक्ती उभे करता आले नसल्याची टीका उद्धव ठाकरे यांनी केली.

सत्ता आली काय गेली काय? मी सत्तेसाठी धडपडत नाही. देशाचं नेतृत्व करण्याची स्वप्न मला पडत नाही. जागं करण्याचं काम मला वंश परंपरेने आलं असल्याचं ठाकरे म्हणाले. ते पुढं म्हणाले की, सातत्याने टीका करण्यात येते की, शिवसेनेची काँग्रेस होईल. २५ वर्षे भाजपसोबत राहून शिवसेनेची भाजप झाली नाही. तशीच काँग्रेससोबत जावून शिवसेनाची काँग्रेस होऊ देणार नाही, असंही उद्धव ठाकरे म्हणाले.