दीपिका, कतरिना नाही तर 'ही' आहे आशियातली सर्वात सेक्सी महिला !

मुंबई : बॉलिवूडमध्ये सर्वात सुंदर अभिनेत्री कोण हे ठरवणं कठीणच आहे. अभिनेत्रींची फॅन फोलोइंगही तेवढीच जास्त आहे. एवढचं काय बॉलिवूडच्या कलाकारांची पसंती जगभरातून आहे. काही दिवसांपूर्वीच आशियातल्या सर्वात सेक्सी पुरुष म्हणून बॉलिवूडचा अभिनेता आणि डान्स मास्टर हृतिक रोशनची निवड झाली. आता आशियातल्या सर्वात सेक्सी महिलेची निवडदेखील झाली आहे, जाणून घ्या कोण आहे ती अभिनेत्री ! 

काही दिवसांपूर्वीच ब्रिटनच्या ‘इस्टर्न आय’ या वृत्तपत्राने आशियातील सर्वात सेक्सी दिसणाऱ्या पुरुषांची यादी जाहीर केली होती. त्यामध्ये हृतिक रोशनला 2019 चा आशियातील सर्वात सेक्सी पुरुष म्हणून घोषित करण्यात आले. त्याचमागोमाग आता आशियातील सर्वात सेक्सी महिला म्हणून अभिनेत्री आलिया भट्ट हीची निवड करण्यात आली आहे. तर, दीपिका पदुकोन ही संपूर्ण दशकातील सर्वात सेक्सी महिला ठरली आहे. लंडनमध्ये एका ऑनलाइन स्पर्धेमध्ये या दोघींना हा मान मिळाला आहे. 

'स्टुडंट ऑफ दी इयर' ने आलियाने 2012 ला बॉलिवूडमध्ये पदार्पण केलं. त्यानंतर उडटा पंजाब,  हायवे, 2 स्टेट्स, डिअर जिंदगी, कलंक, राझी असे सुपरहिट सिनेमे तिने केले. या सर्व चित्रपटातूंन तिने वेगवेगळे रोल साकारले आणि बी-टाउनमध्ये आपली जागा निर्माण केली. या वर्षी आलियाने रणवीर सिंगसोबत 'गल्ली बॉय' हा सुपरहिट सिनेमा केला. या चित्रपटाला अनेक पुरस्कार मिळाले. 

‘इस्टर्न आयचे एन्टरटेन्मेंट संपादक आणि यादीचे संस्थापक म्हणाले, 'आलिया भट्टसारखं फेमस व्यक्तीमत्त्व सध्या कुठेच नाही. हिंदी चित्रपटांमध्येही ती पुढील दशकात बॉलिवूडमध्ये राणीसारखं अधिराज्य गाजवेल'.

-मागिल वर्षी हा मान दीपिकाने पटकावला होता आता मात्र यावर्षी ती दुसऱ्या स्थानावर आहे. आलिया भट सध्या अयान मुखर्जीच्या 'ब्रम्हास्त्र' चित्रपटाच्या शुटींगमध्ये व्यस्त आहे. रणबीर कपूरसोबत ती मुख्य भूमिकेत दिसणार आहे. हा सिनेमा पुढील वर्षी मे महिन्यात 2020 ला प्रेक्षकांच्या भेटीला येणार आहे.