Rahul Vaidya - Disha Parmar: दोन महिन्यानंतर राहुल - दिशाने केलं मुलीचं बारसं, ठेवलं हे खास नाव

राहुल वैद्य आणि दिशा परमार हे मनोरंजन विश्वातील चर्चेतलं कपल. लव्हस्टोरी ते लग्नापासुन राहुल - दिशा कायमच चर्चेत राहिले.

सध्या राहुल - दिशा दोघेही त्यांच्या लाडक्या लेकीसोबतचे अनेक व्हिडीओ, फोटो सोशल मीडियावर पोस्ट करताना दिसुन येतात. नुकतंच राहुल - दिशाच्या मुलीचं बारसं झालंय. या दोघांनी मुलीचं नाव खास ठेवलंय.

(rahul vaidya and disha parmar daughter naming ceremony)

काय ठेवलं मुलीचं नाव?

30 सप्टेंबर 2023 रोजी राहुल - दिशा यांनी त्यांच्या आयुष्यात मुलीचे स्वागत केले. आता जवळपास दोन महिन्यानंतर राहुल - दिशा यांनी मुलीच्या बारश्याचा घाट घातला.

राहुल - दिशाने काल मोजके मित्र आणि नातेवाईकांच्या उपस्थितीत मुलीचं बारसं केलं. या दोघांनी मुलीचं नाव ठेवलं नव्या.

काय आहे राहुल - दिशाच्या मुलीचा नावाचा अर्थ

राहुल आणि दिशाने त्यांच्या मुलीचे नाव 'नव्या' ठेवले आहे. नामकरण समारंभात या दोघांनी त्यांच्या मुलीला फुलांनी सजवलेल्या सुंदर टोपलीत ठेवलंय. नव्याला गुलाबी रंगाच्या फ्रॉकमध्ये सजवण्यात आले होते.

नव्याचा अर्थ काय? असा प्रश्न तुम्हाल पडला असेल तर आम्ही सांगतो.. नव्याचा अर्थ, एक सुंदर मुलगी जी सतत लोकांच्या कौतुकास पात्र असते.

सर्वांनी सोशल मीडियावर राहुल - दिशाचं अभिनंदन केलंय.