बेळगाव : दुहेरी हत्याकांड खटल्यात एकाला जन्मठेप

बेळगाव : दुहेरी हत्याकांड खटल्यात एकाला जन्मठेपेची शिक्षा (imprisonment)अकरावे जिल्हा आणि सत्र न्यायाधीशांनी आज (ता.१३) ठोठावली. यल्लाप्पा भिमाप्पा आडीन (वय ५५, रा. बेटसूर, ता. सौदत्ती) असे शिक्षा झालेल्या आरोपीचे नाव आहे. एप्रिल २०१७ मध्ये बेटसूरला घटना घडली आहे.याबाबत माहिती अशी की, आरोपी यल्लाप्पा याची मुलगीचे गावातील तरुणावर प्रेम होते. ते नियमित भेटायचे. आरोपी सिध्दप्पा याचा त्याला विरोध होता. तसेच याबाबत मुलगी आणि तरुणाला समज दिली होती.

पण, त्याचा फरक पडला नाही. परत दोघे एकमेकांना भेटत असल्याची माहिती होती. यामुळे यल्लाप्पा अस्वस्थ होते. याबाबत प्रचंड चीड त्यांना होती. २७ एप्रिल २०१७ रोजी आरोपीची पत्नी व मोठी मुलगी गावात नातेवाईकांकडे राहायला गेल्या होत्या. यादिवशी घरी वडील व लहान मुलगी दोघे होते. वडील रात्री घराच्या परसात झोपले होते. तर मुलगी घरी झोपली होती. २७ अप्रिल पहाटे १.३० च्या सुमारास वडिलांना घरात कुजबूज ऐकू आली. त्यामुळे घरात डोकावू पाहिल्यानंतर मुलगी व तिचा प्रियकर मंजू भिमाप्पा पडेसूर (वय २०, रा. बेटसूर) खोलीत आढळले. यामुळे राग अनावर झालेल्या यलाप्पा याने पडेसर व त्याच्या मुलगीवर कुऱ्हाडीने घाव घातला. त्यात दोघांचा जागीच मृत्यू झाला.(Crime News)

यानंतर आरोपी हातात कुऱ्हाड घेऊन दुचाकीवरून सौदत्ती पोलिस ठाणे गाठले आणि दुहेरी खुनाची कबुली. तत्कालीन पोलिस उपनिरीक्षक प्रसाद फणेकर यांनी गुन्हा दाखल करून घेतला. तसेच कुऱ्हाड जप्त केली. दाव्याची अंतिमसुनावणी ११ वे जिल्हा सत्र न्यायाधीश गुरुराज शिरोळ यांच्यापुढे झाली. न्यायाधीशांनी आरोपीला जन्मठेपेची शिक्षा आणि पंन्नास हजार रुपयांचा दंड ठोठाविला आहे. तत्कालीन पोलिस निरीक्षक बी. एस. मंटूर यांनी तपास अधिकारी म्हणून काम पाहिले. सरकारी वकील म्हणून शैलजा पाटील यांनी काम पाहिले.