चारचाकीवाल्या लाडक्या बहिणींची पडताळणी सुरु झाली असतानाच लाडकी बहिण योजनेबाबत एक मोठी अपडेट समोर आली आहे. या योजनेच्या लाभार्थ्यांच्या संख्येत मोठी घसरण झाली आहे. महिनाभरात लाभार्थी महिलांची संख्या 5 लाखांनी घटली आहे. डिसेंबर 2024 मध्ये 2 कोटी 46 लाख लाडक्या बहिणींना योजनेचा लाभ मिळाला होता. तर जानेवारीत वितरित करण्यात आलेल्या लाभार्थ्यांची संख्या 2 कोटी 41 इतकी होती. म्हणजेच लाभार्थी महिलांच्या संख्येत 5 लाखांनी घसरण झाली आहे.
