कोल्हापूर : कोल्हापूर जिल्हा दूध उत्पादक संघाच्या (गोकुळ) निवडणुकीसाठी ज्या वादग्रस्त १८३२ संस्थांवर हरकती आहेत, त्यातील पात्र-अपात्र संस्थांचा फैसला आज होण्याची शक्यता आहे. यापैकी बहुतांशी संस्था या अपात्र होण्याची शक्यता जास्त आहे. दरम्यान, आज सुटीदिवशीही सहायक निबंधक (दुग्ध) कार्यालयात या संस्थांवर झालेल्या सुनावणी व त्यावरील निकाल देण्याचे काम रात्री उशिरापर्यंत सुरू होते. या निकालाबाबत ‘गोकुळ’शी संबंधित राजकीय क्षेत्रातही उत्सुकता आहे.
