Latest Marathi News Live Update : धास्ती! शनिवार, रविवारी पुन्हा झोडपणार; सोलापूरसह २२ जिल्ह्यांना हवामान खात्याकडून ‘रेड अलर्ट’

लातूरमधील अहमदपूर तालुक्यातील हागदळ पुलावर पाणी आल्याने हा मार्ग वाहतुकीसाठी बंद करण्यात आल्याची माहिती आहे..नाशिकमध्ये सलग तीन दिवस मुसळधार पावसाची शक्यता आहे. गंगापूरसह धरणात नव्याने पाण्याची आवक वाढण्याची शक्यता असून गंगापूर धरणातून १६५९ क्यूसेक वेगाने पाण्याचा विसर्ग सुरु आहे. नाशिकमध्ये गोदावरीच्या पाणीपातळीत वाढ झाली आहे..उ. सोलापूर : सोलापूरच्या श्री सिद्धेश्वर कृषी उत्पन्न बाजार समितीचे सर्वसाधारण सभा बोलविण्यात आली आहे. शनिवारी (ता. २६) समितीच्या आवारातील वि. गु. शिवदारे सभागृहात ही सभा होणार आहे. विद्यमान संचालक मंडळाच्या कारकिर्दीतील ही पहिलीच सर्वसाधारण सभा आहे..सोलापूर : येडशी- बार्शी परिसरात दहा महिन्यांपासून वावरणाऱ्या वाघाला पकडण्यासाठी आता वनविभागाने ३० नोव्हेंबरपर्यंत मुदतवाढ दिली आहे. यापूर्वीच्या अयशस्वी प्रयत्नांनंतर पुन्हा प्रयत्न सुरू होत आहेत. मात्र, या वाघाने दहा महिन्यांत माणसांवर हल्ला केल्याची नोंद नाही..सोलापूर : गेल्या आठ दिवसांपासून जिल्ह्यात पावसाने धुमाकूळ घातल्यानंतर पुन्हा शनिवार व रविवारी हवामान खात्याने सोलापूर, पुणे व धाराशिवसह २२ जिल्ह्यांना रेड अलर्ट दिला आहे. सीना नदीस आलेल्या पुराने धास्तावलेल्या नागरिकांना या रेड अलर्टने पुन्हा धडकी भरली आहे. पुरामुळे नदीकाठावरील व गावात पाणी शिरल्याने आठ हजाराहून अधिक नागरिकांना निवारा केंद्रात स्थलांतर करावे लागले आहे. यामुळे पुढील दोन दिवसांत मोठा पाऊस झाल्यास आणखी मोठा फटका बसण्याची शक्यता आहे. हवामान विभागाने २७ व २८ सप्टेंबर हे दोन दिवस रेड अलर्ट दिलेला आहे..कोल्हापूर : ऑल इंडिया मजलिस-ए-इत्तेहादुल मुस्लिमीन (एआयएमआयएम) पक्षाचे राष्ट्रीय अध्यक्ष खासदार असुदुद्दीन ओवेसी सोमवारी (ता. २९) कोल्हापूर दौऱ्यावर येत आहेत. यात स्थानिक स्वराज्य संस्थांच्या निवडणुकांच्या पार्श्र्वभूमीवर ते कार्यकर्त्यांसह पदाधिकाऱ्यांच्या गाठीभेटी घेऊन चर्चा करणार आहेत. सकाळी शहर व जिल्हा पक्ष कार्यालयाचे उद्घाटन, तर सायंकाळी इचलकरंजीत सभा होणार आहे, अशी माहिती कोल्हापूर व इचलकरंजी लोकसभा जिल्हा समन्वयक इलियास कुन्नरे, इम्रान सनदी यांनी आज झालेल्या पत्रकार परिषदेत दिली. .Latest Marathi Live Updates 27 September 2025 : भारतीय हवामान खात्याकडून आज शनिवारपासून पुढील तीन दिवस जिल्ह्यातील घाटमाथ्यावर ‘ऑरेंज अलर्ट’, तर इतरत्र यलो अलर्टचा अंदाज वर्तविण्यात आला आहे. तसेच ऑल इंडिया मजलिस-ए-इत्तेहादुल मुस्लिमीन (एआयएमआयएम) पक्षाचे राष्ट्रीय अध्यक्ष खासदार असुदुद्दीन ओवेसी सोमवारी (ता. २९) कोल्हापूर दौऱ्यावर येत आहेत. सांगलीत केंद्रीय सांस्कृतिक मंत्रालय, दक्षिण-मध्य क्षेत्र सांस्कृतिक केंद्र, नागपूर यांच्यातर्फे ता. २७ ते २९ दरम्यान ‘नदी महोत्सव’ (लोककला यात्रा) चे आयोजन केले आहे. गेल्या आठ दिवसांपासून जिल्ह्यात पावसाने धुमाकूळ घातल्यानंतर पुन्हा शनिवार व रविवारी हवामान खात्याने सोलापूर, पुणे व धाराशिवसह २२ जिल्ह्यांना ‘रेड अलर्ट’ दिला आहे. सीना नदीस आलेल्या पुराने धास्तावलेल्या नागरिकांना या रेड अलर्टने पुन्हा धडकी भरली आहे. कोल्हापुरात अखिल भारतीय मराठा महासंघाच्या शतकोत्तर रौप्यमहोत्सवी वर्षानिमित्त रविवारी (ता. २८) राज्यस्तरीय मराठा मेळावा होणार आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर.. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : धास्ती! शनिवार, रविवारी पुन्हा झोडपणार; सोलापूरसह २२ जिल्ह्यांना हवामान खात्याकडून ‘रेड अलर्ट’

Latur Rain : लातूरमधील अहमदपूर तालुक्यातील हागदळ पुलावर पाणी, वाहतूक बंद

Related Stories