पुण्यात बदलत्या वातावरणाचा आरोग्यावर परिणाम होत असून स्वाईन फ्लूच्या रुग्णसंख्येत वाढ होत आहे. गेल्या दोन महिन्यांत शहरात स्वाईन फ्लूचे तब्बल ६२६ रुग्ण आढळून आले आहेत. अचानक बदलणारे तापमान, पावसामुळे निर्माण झालेली दमट परिस्थिती आणि त्यानंतर वाढलेली थंडी यामुळे संसर्गाचा धोका वाढल्याचे दिसून येत आहे. नागरिकांनी ताप, सर्दी, खोकला अशी लक्षणे जाणवल्यास दुर्लक्ष न करता वेळेत वैद्यकीय सल्ला घेणे आवश्यक आहे.
