Vijay Antony Daughter: अभिनेता - गायक विजय अँटोनीच्या मुलीने जीवन संपवलं

Vijay Antony Daughter Suicide News: संगीतकार, अभिनेता आणि निर्माते विजय अँटोनीची मुलगी मीरा हिने 19 सप्टेंबरच्या पहाटे आत्महत्या केली. ती 16 वर्षांची होती.

रिपोर्ट्सनुसार, मीराला तिच्या चेन्नईच्या राहत्या घरी लटकलेल्या अवस्थेत सापडल्यानंतर एका खाजगी रुग्णालयात नेण्यात आले. डॉक्टरांनी तिला तपासून मृत घोषित केले. रिपोर्ट्सनुसार, ती दबावाखाली होती आणि त्यासाठी उपचार घेत होती.

विजय अँटोनीच्या मुलीने आयुष्य संपवल्याने एकच खळबळ

विजय अँटनी हा लोकप्रिय गायक अन् अभिनेता. 19 सप्टेंबर रोजी, विजय अँटनी आणि त्यांच्या कुटुंबाला धक्का बसला होता.

विजयची मुलगी मुलगी मीरा हिचा मृतदेह चेन्नईतील अलवरपेट येथील त्यांच्या निवासस्थानी पहाटे 3 वाजता आढळून आला होता. ती अवघ्या 16 वर्षांची होती आणि चेन्नईतील एका लोकप्रिय शाळेत शिकत होती. अपुष्ट वृत्तानुसार मुलगी नैराश्याशी झुंज देत होती.

पोलिस करणार सखोल चौकशी

मीराचा मृतदेह बघताच घरातील नोकरांच्या साहाय्याने मीराला चेन्नईतील रुग्णालयात दाखल करण्यात आले. मात्र, तिची तपासणी करणाऱ्या डॉक्टरांनी तिला मृत घोषिक केले. मीराने स्वतःचं जीवन संपवल्याने पोलिस या प्रकरणाची सखोल चौकशी करणार आहेत.

विजय आणि त्याच्या कुटुंबाला हा मोठा धक्का बसला असेल यात शंका नाही. अवघ्या १६ वर्षांच्या मुलीने स्वतःचं आयुष्य संपवल्याने विजय आणि त्याच्या परिवाराला असंख्य चाहते धीर देत आहेत.