Father's day : बापासोबत आई होणं जरा अवघडच, सिंगल फादर करण आणि तुषारची..

बाबांचं महत्व खरं तर प्रत्येकाच्या आयुष्यात मोलाचं असतं. पण 'फादर्स डे' च्या निमित्तानं याच वडिलांविषयी काही तरी खास बोलण्याची संधी सगळ्यांना सापडते. आजच्या दिवशी अनेक सेलिब्रिटी वडिलांचं कौतुक करत,पोस्ट टाकत व्यक्त झाले आहेत. पण दोन असे सेलेब्रिटी आहेत ज्यांनी स्वतःलाच फादर्स डेच्या शुभेच्छा दिल्या आहेत. कारण ते वडील आणि आई दोघांच्या भूमिकेत आहेत. जाणून घेऊया दिग्दर्शक करण जोहर (karan johar) आणि अभिनेता तुषार कपूर (tusshar kapoor) यांच्या 'बाप' पणाविषयी.. (single father karan johar and tusshar kapoor celebrate fathers day nsa95)

आयुष्यात वडिलांची जितकी गरज असते तितकीच आईचीही असते. पण कधीतरी काळाने किंवा आपल्या मर्जीने या दोन्ही भूमिका एकाच व्यक्तीला पार पाडाव्या लागतात. असाच निर्णय बॉलीवूड मधील दिग्दर्शक करण जोहर आणि अभिनेता तुषार कपूर यांनी घेतला. ते दोघेही सिंगल फादर आहेत. म्हणजे त्यांच्या मुलांना आई नाही. त्यांनी लग्न न करता सरोगसीच्या माध्यमातून मुलांना जन्म दिला आहे. त्यामुळे आई आणि बाप या दोन्ही भूमिका ते पार पाडत आहेत.

एका मुलाला दत्तक घेऊन किंवा सरोगसी तंत्राचा आधार घेऊन ‘सिंगल फादर’ बनण्याची इच्छा करण जोहरनं आपल्या आत्मचरित्रात - 'अॅन अनसुटेबल बॉय' मध्ये व्यक्त केली होती. त्यानंतर २०१७ मध्ये त्याने सरोगसीच्या माध्यमातून दोन मुलांना जन्म दिला. 'यश' आणि 'रूही' अशी त्याच्या मुलांची नावे आहेत. तर तुषार कपूरही सरोगासीच्या माध्यमातून बाप बनला आहे. बाप आणि आई या दोन्ही भूमिका पार पडताना होणारी कसरत याविषयी तुषार अनेकदा खुलेपणाने बोलला आहे. तुषार आणि करण आपल्या मुलांचा अत्यंत जिव्हाळ्याने सांभाळ करत असून आजचा फादर्स डे त्यांच्यासाठी विशेष आहे.