Suraj Sakhare Attack : वडिलांचा पराभव अन् रस्त्याचं काम बंद पाडल्याचा राग! गुंड सूरज साखरेवरील गोळीबार महापालिका राजकारणातून; गणेश खाडेनं शूटरांना दिलेलं ॲडव्हान्स एक लाख

कोल्हापूर : गुंड सूरज साखरे याचा ‘गेम’ करण्यासाठी महापालिका कंत्राटदार गणेश रमेश खाडे (रा. लक्षतीर्थ वसाहत) याने सुपारी दिल्याचे उघड झाले (Suraj Sakhare firing case update) आहे. महापालिकेत वडील रमेश खाडे यांच्याविरोधात प्रचारासह साखरेने आंदोलन करून रस्त्याचे काम बंद पाडल्याचा आर्थिक फटका बसला होता. याच रागातून ही सुपारी दिल्याचे पोलिस तपासात समोर आले. हल्लेखोरांना एक लाख रुपये ॲडव्हान्स देऊन त्यांच्या अटकेनंतरची ‘सर्व जबाबदारी घेतो’ अशा शब्दही खाडेने दिल्याचे संशयितांनी पोलिसांना सांगितले.