Uttur Ghat Family Killed in Accident kolhapur
esakal
Kolhapur Accident News : आजरा-उत्तूर, मुमेवाडी घाटमार्गे रस्ता कोल्हापूरकडे जातो. याच मार्गावर गोव्याची मोठी वाहतूक असते. टेम्पोने धडक दिल्यानंतर झालेला अपघात पाहण्यासाठी गर्दी झाली होती. चालकाचा टेम्पोवरील ताबा सुटल्याने अपघात झाल्याची चर्चा होती. पोलिस अपघातग्रस्तांना मदत करण्यासह वाहतूक सुरळीत करण्यात गुंतले होते. दरम्यान, अपघाताचे दृश्य विदारक होते. घटनास्थळी रक्ताचा सडा पडला होता. मृताच्या अवयवांचा चेंदामेंदा झाला होता. चपला, छोट्या बॅगा पडल्या होत्या. घटनास्थळी दाखल पोलिस व नागरिकांनी टेम्पोखाली सापडलेल्या मृतांना जेसीबीच्या साहायाने बाजूला काढले.
