सांगलीत राजापुरी हळद, गुळाला मिळाला 'असा' भाव

सांगली - कृषी उत्पन्न बाजार समितीमध्ये दिवाळी पाडव्याच्या
मुहूर्तावर हळद आणि गुळाच्या सौद्यांना प्रारंभ झाला. राजापुरी हळदीला प्रति क्विंटल 8201 रूपये तर गुळाला प्रति क्विंटल 4251 रूपये उच्चांकी भाव मिळाला.

दिवाळीच्या सुटीनंतर पाडव्याच्या मुहूर्तावर हळद व गुळाचे सौदे काढले जातात. पाडव्याच्या मुहूर्तावर बाजार समितीमधील श्रीराम ट्रेडिंग कंपनीत राजापुरी हळदीचा सौदा झाला. त्यामध्ये बावची (ता. वाळवा) येथील प्रगतशील शेतकरी राजेंद्र पाटील यांच्या हळदीला प्रति क्विंटल 8201 रूपये असा उच्चांकी दर मिळाला.

जिरॅनियमची शेती करण्यासाठी हे जाणून घ्या.. 

मनाली ट्रेडिंग कंपनीने ही हळद खरेदी केली. राजापुरी
हळदीला प्रति क्विंटल कमीत कमी सहा हजार रूपये ते सरासरी 7100 रूपये दर मिळाला आहे. तसेच जास्तीत जास्त 8201 रूपये इतका दर मिळाला आहे. आमदार सुधीर गाडगीळ यांच्या हस्ते हळद सौद्यास प्रारंभ झाला.

आम्हाला आमदार करा, गोकुळ सोडतो; संचालकाचा टोला 

बाजार समिती सभापती दिनकर पाटील, सचिव व्ही. जे. राजेशिर्के, व्यापारी मनोहर सारडा, सनतकुमार आरवाडे, संजय किणीकर, शरद शहा, हार्दिक सारडा आदींसह अडते, शेतकरी
उपस्थित होते.

गवताचा भारा आणण्यासाठी शेतकऱ्याने लढवली ही शक्कल (व्हिडिओ)

गुळाला प्रति क्विंटल 4251 रूपये उच्चांकी दर

पाडव्याच्या मुहूर्तावर गुळाचे सौदे देखील सुरू झाले. मेसर्स निडगुंदी सिद्धेश्‍वर ट्रेडिंग कंपनीमध्ये झालेल्या सौद्यात निडगुंदी (ता. रायबाग) येथील शेतकरी वसंत लठ्ठे यांच्या गुळाला प्रति क्विंटल 4251 रूपये उच्चांकी दर मिळाला. मंगलमूर्ती ट्रेडिंग कंपनीने हा गुळ खरेदी केला. सौद्यावेळी सदस्य शीतल पाटील, मुजीर जांभळीकर, बाळासाहेब बंडगर आदींसह
गुळ खरेदीदार व अडते उपस्थित होते.

गोकुळ च्या सभेत घोषणायुद्ध; 30 मिनिटात गुंडाळले विषय 

""बाजार समितीमध्ये मुहूर्ताच्या सौद्यामध्ये हळद व गुळाला उच्चांकी दर मिळाला आहे. त्यामुळे हळद व गुळ उत्पादक शेतकऱ्यांनी जास्तीत माल विक्रीसाठी आणावा.''
- दिनकर पाटील, सभापती

मल्टिस्टेट रद्द, तरीही आमदार सतेज पाटील यांनी दिला इशारा