Dhule Plastic Ban : ऊस गल्लीतील दुकानामधून 800 किलो प्लॅस्टिक जप्त

Dhule Plastic Ban : महापालिकेच्या प्लॅस्टिक बंदी पथकाने ऊस गल्लीतील सुनील प्लॅस्टिक दुकानावर छापा टाकला. त्यात तब्बल ८०० किलो प्लॅस्टिक जप्त केले. तसेच दुकानमालकाकडून २५ हजारांचा दंड वसूल केला. आयुक्त तथा प्रशासक अमिता दगडे-पाटील, उपायुक्त करुणा डहाळे, मुख्य स्वच्छता निरीक्षक राजेश वसावे, प्लॅस्टिक बंदी पथकप्रमुख लक्ष्मण पाटील यांच्या निर्देशानुसार पथकाने शहरातील ऊस गल्लीतील सुनील प्लॅस्टिक या दुकानाची तपासणी केली. (Dhule 800 kg of plastic seized from shops)

त्यात बंदी असलेल्या प्लॅस्टिक पिशव्या आढळल्या. दुकानमालकावर कारवाई करीत त्याच्याकडून २५ हजारांचा दंड वसूल करण्यात आला. तसेच ८०० किलो प्लॅस्टिक जप्त करण्यात आले.

मुख्य स्वच्छता निरीक्षक राजेश वसावे, स्वच्छता निरीक्षक लक्ष्मण पाटील, चंद्रकांत जाधव, संदीप मोरे, विकास साळवे, महेंद्र ठाकरे, गजानन चौधरी, साईनाथ वाघ, प्रमोद चव्हाण, शुभम केदार, रूपेश पवार, चेतन अहिरे, मनीष आघाव, रतन निरगुडे, संदीप वाघ यांच्या पथकाने ही कारवाई केली. (latest marathi news)