अहमदनगर- विवाहितेवर अत्याचार करून तिला आणि सासऱ्याला मारहाण करण्यात आल्याची घटना घडली होती. याप्रकरणी आरोपीविरोधात भिंगार कॅम्प पोलिस ठाण्यात गुन्हा दाखल करण्यात आला आहे. विवाहितेवर शासकीय रूग्णालयात उपचार सुरू आहेत.

विवाहित महिलेवर आरोपीने बळजबरीने अत्याचार केला. ही घटना कोणास सांगितल्यास जीवे मारण्याची धमकी दिली. या विवाहितेने ही घटना घरी आल्यावर सासऱ्यांना सांगत होती. त्याच वेळेस आरोपी तेथे आला. त्याने विवाहितेला कुऱ्हाडीच्या दांड्याने डोके, पाठ आणि हातावर मारले.

सासरे भांडण सोडविण्यासाठी आले असता, त्यांच्याही हात-पाठीवर मारहाण करण्यात आले. संबंधित विवाहितेवर जिल्हा शासकीय रूग्णालयात उपचार सुरू आहेत. तिने दिलेल्या फिर्यादीवरून भिंगार कॅम्प पोलिस ठाण्यात अत्याचार आणि मारहाणीचा गुन्हा दाखल करण्यात आला आहे. पोलिस उपनिरीक्षक युवराज चव्हाण पुढील तपास करीत आहेत. (Latest Marathi News)