पारनेर : कुटुंबाची वारसा हक्काने आलेली जमीन नावे लावण्यासाठी किन्ही गावच्या महिला कामगार तलाठी लता एकनाथ निकाळजे यांना एक हजार रुपयांची लाच घेताना लाचलुचपत पथकाने रंगेहाथ पकडले.
तिखोल येथील तक्रारदाराच्या कुटुंबाची वारसाहक्काने आलेली जमीन नावे लावण्यासाठी गावच्या तलाठी निकाळजे यांना एक हजार रुपयाची लाच घेताना आज (ता. 28) दुपारी रंगेहाथ पकडले. याबाबत माहिती अशी की, तक्रारदाराने त्यांचे तिखोल गावातील आजोबा व वडील यांचे नावे असलेली शेतजमीन वारसा हक्काने तक्रारदार, त्यांची आजी, आई, भाऊ यांचे नावे करून त्या नावाची नोंद लावण्याकरिता अर्ज दिला होता.
ही नोंद लावण्यासाठी आरोपी लोकसेविकेने तक्रारदाराकडे दोन हजार रुपयांची मागणी केली होती. तक्रारदाराने आरोपी निकाळजे यांना एक हजार रुपये दिले होते. उर्वरित एक हजार रुपये देण्याची इच्छा नसल्याने तक्रारदारांनी नगरच्या लाचलुचपत प्रतिबंधक विभागाकडे तक्रार केली. या तक्रारीच्या पडताळणीमध्ये आरोपी निकाळजे यांना एक हजार रुपयांची लाच घेताना रंगेहात पकडले.
निकाळजे या लोणी हवेली येथील तलाठी आहेत. त्यांच्याकडे किन्ही येथील गावाचा अतिरिक्त चार्ज होता. किन्ही येथे त्यांच्या कार्यालयात आज दुपारी लाचलुचपत प्रतिबंधक विभागाने ही कारवाई केली.
ही कारवाई पोलिस अधीक्षक सुनील कडासने, अप्पर अधीक्षक नारायण न्याहळदे, पोलिस उपअधीक्षक सतीश भामरे यांच्या मार्गदर्शनाखाली पोलिस उपअधीक्षक हरीश खेडकर, सापळा अधिकारी पोलिस निरीक्षक शरद गोर्डे, रमेश चौधरी, विजय गंगुले, महिला पोलिस अंमलदार संध्या म्हस्के, हरुन शेख, राहुल डोळसे यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.