अहमदनगर : येथे महाविद्यालयात शिकणाऱ्या एका २२ वर्षीय तरूणीवर विवाहित पुरूषाने अत्याचार केल्याची घटना घडली आहे. याप्रकरणी एमआयडीसी पोलिस ठाण्यात आरोपी बापू बाबासाहेब मुठे (रा. भिंगार) याच्याविरोधात अत्याचाराचा गुन्हा दाखल करण्यात आला आहे.

घटनेबद्दल अधीक माहिती अशी की, नगर तालुक्‍यातील एका गावात राहणाऱ्या पीडित तरुणीने फिर्याद दिली असून ही तरुणी 22 वर्षीय असून महाविद्यालयात शिक्षण घेत आहे. ता. 23 डिसेंबर 2021 च्या रात्री नऊ ते ता. 24 डिसेंबर रोजी सकाळी सात वाजेच्या दरम्यान देवगाव (ता. नगर) येथील रिसॉटवर ही घटना घडली.

बापू मुठे हा आरोपीने तरुणीला धमकी देऊन देवगाव येथील रिसॉल्टवर अत्याचार केले. पहिल्या पत्नीला घटस्फोट देऊन तरुणीला लग करण्याचे आमिष दाखविले. पीडित तरुणीने एमआयडीसी पोलिस ठाण्यात दिलेल्या फिर्यादीवरून बापू मुठे विरोधात अत्याचाराचा गुन्हा दाखल करण्यात आला आहे. पोलिस उपनिरीक्षक दीपक पाठक पुढील तपास करीत आहेत.