पारनेर (अहमदनगर) : नगर- कल्याण महामार्गावर काळेवाडी येथे उभारण्यात आलेल्या चेकनाक्यावर गोमांस वाहतुक करणारा ट्रक रात्री पारनेर पोलिसांनी पकडला. यात चालकासह त्याच्या साथीदारांवर गुन्हा नोंदविण्यात आला आहे. त्यांच्याकडून ट्रक व गोमांसह सुमारे सहा लाख नऊ हजाराचा मुद्देमाल जप्त करण्यात आला आहे.
सोमवारी (ता. 20 ) पहाटे १ वाजणेच्या सुमारास पारनेर पोलिस ठाणे हद्दीत काळेवाडी चेक नाक्यावर ई- पास तसेच बकर ईदच्या पार्श्वभूमिवर वाहनांची तपासणी करत असताना पोलिस उपनिरीक्षक निरज बोकिल, सत्यम शिंदे, सुरज कदम व इतर कर्मचारी तपासणी करत असताना एक माल ट्रकची तपासणी केली. तेव्हा त्यांना त्या ट्रकमध्ये गोमांस अढळून आले. यावेळी त्यांनी त्या ट्रकसह गोमांस असा सुमारे सहा लाख 99 हजाराचा मुद्देमाल जप्त केला. त्या ट्रकचा चालक अनिल भाऊसाहेब मंडलिक व त्याचा मदतनिस गौतम दामोधर झाल्टे ( दोघे रा. संगमनेर) यांना ताब्यात घेतले आहे. त्यांच्यावर रात्री उशीरा गुन्हा दाखल करण्यात आला आहे.
संशयित आरोपी चालक मंडलिक व झाल्टे यांच्याविरूद्ध पारनेर पोलिस ठाण्यात महाराष्ट्र प्राणीसंरक्षण अधिनियम व मोटार वाहन कायद्याचा भंग केल्याचा गुन्हा दाखल करण्यात आला आहे. याप्रकरणी पारनेरचे सहायक पोलिस निरीक्षक राजेश गवळी यांच्या मार्गदर्शनाखाली उपनिरीक्षक बोकील व त्यांचे सहकारी तपास करत आहेत.
संपादन : अशोक मरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.