अकोला : जिल्ह्यातील वाढते कोरोना संकट बघता यंदा गणेशोत्सव अत्यंत साध्या पद्धतीने साजरा करण्याचा निर्णय सार्वजनिक गणेशोत्सव मंडळांनी घेतला आहे. सार्वजनिक गणेशोत्सव मंडळाचे अध्यक्ष ॲड. मोतीसिह मोहता यांच्या अध्यक्षतेत झालेला या बैठकीत २२ ऑगस्टपासून सुरु होणाऱ्या गणेशोत्सवावर चर्चा करण्यात आली.
अकोला शहरात गत १२७ वर्षांपासूनची गणेशोत्सवाची परंपरा आहे. सार्वजनिक गणेशोत्सव यंदा सर्वदूर कोरोना संकट असल्यामुळे अत्यंत साध्या पद्धतीने साजरा करण्यात येणार आहे. उत्सवावर अनिश्चिततेचे सावट बघता सर्व गणेशोत्सव मंडळांनी श्री मूर्ती लहान स्वरूपाची करून मंडपाचा आकारही लहान करण्यावर भर देण्यात आला.
मंडळांनी घरगुती लहान मूर्तींना प्राधान्य देऊन भव्यता कमी करण्यावर चर्चा करण्यात आली. मंडपात श्री भक्तांचे सॅनिटायझेशन करण्यात यावे, अशा सूचना यावेळी देण्यात आल्यात. सर्व गणेश मंडळांनी या बाबीचे पालन करीत प्रशासनाच्या निर्देश व सूचनांचे पालन करण्याचे आवाहन ॲड. मोहता यांनी केले.
या बैठकीत मंडळाचे सरचिटणीस सिद्धार्थ शर्मा, सचिव मनिष हिवराळे, सरचिटणीस विजय तिवारी, मंडळाचे कार्याध्यक्ष संग्राम गावंडे, सरचिटणीस विजय जयपिले, उपाध्यक्ष हरीश आलिमचंदानी, ॲड. सुभाषसिंह ठाकूर, सचिव संतोष पांडे, मनोज साहू, जयंत सरदेशपांडे, रामदास सरोदे, विक्की ठाकूर, उमाकांत कवडे, मनोज खंडेलवाल, संतोष अग्रवाल आदी पदाधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.