Railway Budget 2022-23 Live Updates: देशातील दळणवळणाचा सर्वात मोठा भार हा भारतीय रेल्वे आपल्या खांद्यावर वाहत असते. त्यामुळेच २०१७ पर्यंत रेल्वेचे विशेष बजेट (Railway Budget) सादर केले जायचे. मात्र २०१७ पासून रेल्वेचे बजेट मुख्य बेजटमध्येच समाविष्ट करण्यात आले. आज केंद्रीय अर्थमंत्री निर्मला सीतारमण (Nirmala Sitharaman Union Budget 2022) आज संसदेत २०२२-२३ या आर्थिक वर्षाचे बजेट सादर करणार आहेत. कोरोनाचा मोठा फटका हा भारतीय रेल्वेला बसला आहे. त्यामुळे यंदा अर्थमंत्री रेल्वेसाठी काय घोषणा केली जाते याचा आढावा घेणे गरजेचे आहे. (Railway Budget 2022 News Updates)

गेल्या आर्थिक वर्षाच्या बजेटमध्ये अर्थमंत्री निर्मला सीतारमण यांनी भारतीय रेल्वेसाठी (Indian railways) १.१० लाख कोटी रूपये दिले होते. त्यातील तब्बल १.०७ लाख कोटी रूपये हे पायाभूत सुविधांसाठी (Capital Expenditure) खर्च केले जाणार होते. काही जाणकारांच्या मते यंदा रेल्वेसाठी बजेटमख्ये १० चे १२ लाख कोटी रूपये देण्याची घोषणा होऊ शकते. अर्थातच ही रक्काम ८ ते १० वर्षाच्या दीर्घ प्लॅनसाठी असू शकते.

कोरोना महामारीमुळे (Covid pandemic) गेली दोन वर्षे भारतीय रेल्वेला मोठा आर्थिक फटका बसला आहे. आताकुठे भारतीय रेल्वे रूळावर येत आहे. मात्र कोरोना काळातील आर्थिक फटका भरून काढण्यासाठी प्रवाशी भाड्यांबाबत काही निर्णय होऊ शकतो. हा रेल्वे बजेट २०२२ (Rail Budget 2022) चा सर्वात मोठा मुद्दा असणार आहे. याचबरोबर सेमी हाय स्पीड रेल्वेच्या काही घोषणा होणार का याबाबतही सर्वांचे लक्ष लागून आहे.