मुंबई: आज शेअर मार्केटमध्ये (Share Market) मोठ्या प्रमाणावर घसरण झालेली पहायला मिळाली आहे. मार्केट आठवड्याच्या शेवटच्या काही दिवसांमध्ये कोसळताना दिसत आहे. बाजारात कालही मोठ्या प्रमाणावर घसरण झालेली होती. तीच घसरण आजही कायम असलेली दिसून आली. आज सलग दुसऱ्या दिवशी झालेल्या घसरणीमुळे या आठवड्याच्या शेवटच्या दिवसांमध्ये तरी मार्केट वर येतंय का हे पाहणं निर्णायक ठरणार आहे. (Share Market News Latest Update)

आजच्या दिवसभराच्या घडामोडींमध्ये सर्वाधिक विक्री ही IT शेअर्सची झालेली पहायला मिळाली. मार्केटमध्ये आज सलग दुसऱ्या दिवशी घसरण दिसून आली. बँकींग, FMCG शेअर्सवर दबाव दिसून आला. मात्र, पॉवर, ऑटो, तेल-गॅस शेअर्समध्ये खरेदी दिसून आली.

आजच्या दिवसाच्या व्यवहाराअंती सेन्सेक्समध्ये मोठी घट झालेली दिसून आली. तब्बल 656.04 अंशांनी म्हणजेच 1.08 टक्क्यांनी सेन्सेक्स पडलेला दिसून आला. आज सेन्सेक्स या घसरणीसह 60,098.82 च्या स्तरावर बंद झाला. तर दुसरीकडे निफ्टी 174.65 अंशांनी म्हणजेच 0.96 टक्क्यांनी बंद झाला. सध्या निफ्टी 17,938.40 वर आहे.