पंचांग -

गुरुवार : वैशाख कृष्ण ११, चंद्रनक्षत्र रेवती, चंद्रराशी मीन/मेष, चंद्रोदय पहाटे ३.४५, चंद्रास्त दुपारी ३.४१, सूर्योदय ५.५९, सूर्यास्त ७.०४, अपरा एकादशी, भारतीय सौर ज्येष्ठ ५ शके १९४४.

दिनविशेष -

१९९९ - श्रीहरिकोटा येथून ‘पीएसएलव्ही-सी २’ या ध्रुवीय उपग्रहवाहकाने भारताचा ‘आयएसएस-पी ४’ (ओशनसॅट), कोरियाचा ‘किटसॅट’ व जर्मनीचा ‘डीएलआर टब-सॅट’ या तीन उपग्रहांना त्यांच्या कक्षेत यशस्वीरीत्या पोचविले. या उड्डाणाद्वारे भारताचा प्रथमच उपग्रह प्रक्षेपणाची सेवा देणाऱ्या जागतिक बाजारपेठेत प्रवेश.

१९९९ - सौरभ गांगुलीने श्रीलंकेविरुद्ध १८३ धावा करून विश्वकरंडक स्पर्धेत नवीन विक्रम नोंदविला. कपिलदेवने १९८३ मध्ये झिंबाब्वेविरुद्ध केलेला १७५ धावांचा विक्रम गांगुलीने मागे टाकला.

२००३ - नेपाळचा गिर्यारोहक शेर्पा ल्हाक्‍पा गेला (वय ३६) याने बेस कॅंपपासून एव्हरेस्ट शिखरावर दहा तास छप्पन्न मिनिटांच्या विक्रमी वेळात चढाई केली.

२००८ - मंगळावर जीवसृष्टी शोधण्यासाठी अमेरिकेच्या ‘नासा’ या अंतराळ संशोधन संस्थेने पाठविलेले ‘फिनिक्‍स’ यान मंगळावर सुरक्षित उतरले.