उत्तर प्रदेशच्या कासगंजमध्ये एक धक्कादायक घटना समोर आली असून, या घटनेत एका प्रकरणात पोलिसांच्या ताब्यात असलेल्या व्यक्तीचा मृत्यू झाला असून, त्यानंतर कुटुंबीयांना हे प्रकरण दाबण्यासाठी दबाव टाकला जात असल्याचं समोर आलं आहे. मृत अवस्थेत आढळलेल्या मुस्लीम व्यक्तीच्या कुटुंबीयांनी आरोप केला आहे की, पोलिसांना या प्रकरणाची चौकशी करण्याची ईच्छा नसल्याने त्यांनी कुटुंबीयांना थेट नोकरीची ऑफर दिली आहे.
पोलिसांच्या ताब्यात असताना मृत्यू झालेल्या अल्ताफचा भाऊ मोहम्मद सगीरने केलेल्या आरोपानुसार एका पोलीस कर्मचाऱ्याने त्याला एक पत्र लिहायला सांगितलं. या पत्रात त्याला आपला मृत भाऊ अल्ताफ हा नैराश्यग्रस्त होता असं लिहीण्यास भाग पाडलं होतं. त्यानंतर मृत अल्ताफच्या वडीलांना पत्र वाचायला न देता त्यांचा अंगठा देखील घेण्यात आला.
पत्रावर "स्वाक्षरी" झाली तेव्हा चांद मियाँचा एक भाऊ, शाकीर अली देखील उपस्थित होता. यावेळी अल्ताफची आई फातिमा आणि डॉ फारूक नावाचा मध्यस्थ देखील उपस्थित असल्याचं सगीरने सांगितलं आहे. दरम्यान, अल्ताफ मंगळवारी कासगंज पोलीस ठाण्याच्या शौचालयात मृतावस्थेत आढळून आला. त्याच्या एका मित्रासह एका हिंदू अल्पवयीन मुलाच्या कथित पलायनाच्या प्रकरणात चौकशीसाठी त्याला ताब्यात घेण्यात आल्याचे समजते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.