Brij Bhushan Singh: दिल्ली पोलिसांनी शनिवारी महिला कुस्तीपटूंच्या लैंगिक शोषणाच्या प्रकरणी न्यायालयामध्ये युक्तिवाद सादर केला. यावेळी भाजप खासदार ब्रिज भूषण सिंह जेव्हा जेव्हा संधी मिळेल तेव्हा महिला कुस्तीपटूंचा विनयभंग करण्याचा प्रयत्न करायचा असा आरोप त्यांनी केला. याविषयीचे आमच्याकडे पुरेसे पुरावे आहेत असेही ते म्हणाले.

अतिरिक्त मुख्य मेट्रोपॉलिटियन मॅजेस्ट्रेट हरजीत सिंग जसपाल यांनी महिला कुस्तीपटूंच्या लैंगिक छळ प्रकरणी दिल्ली पोलिसांचा युक्तिवाद ऐकला.

दिल्ली पोलिसांनी सांगितले की, ब्रिज भीषण सिंग याला आपण काय करत आहोत हे माहीत होते आणि म्हणूनच त्याने तक्रारीद्वारे आपले कृत्य लपवण्याचा प्रयत्न केला. यामुळे त्याचा हेतू काय होता हे उघड झाले आहे.

दिल्ली पोलिसांनी असेही सांगितले की, पीडित मुलीने कोणतीही प्रतिक्रिया दिली नाही. हा प्रश्नच मुळात नाहीये. तिच्यावर अन्याय झाला हा मुद्दा महत्त्वाचा आहे.

एका महिला कुस्तीपटुच्या तक्रारीचे वर्णन करताना दिल्ली पोलिसांनी सांगितले की, तजागीस्थान मध्ये ब्रुजभूषण ने त्या मुलीला खोलीत बोलवले. तिला जबरदस्तीने मिठी मारली. तिने विरोध केला असता आपण ही मिठी वडिलांप्रमाणे मारली असे सांगितले. यामुळे ब्रिज भीषणला आपण नक्की काय करत आहोत? हे माहीत होते

लैंगिक अत्याचार प्रकरणी दिल्ली पोलिसांचा पुढचा युक्तिवाद 7 ऑक्टोबरला सुनावणीमध्ये मध्ये होणार आहे