CBSE Board Exams Date Announced on 31st December: 31 डिसेंबरला केंद्रीय माध्यमिक शिक्षण मंडळाच्या (सीबीएसई) परीक्षांच्या तारखांची घोषणा करण्यात येणार आहे. केंद्रीय शिक्षण मंत्री रमेश पोखरियाल निशंक यांनी शनिवारी ट्विटवरुन ही माहिती दिली आहे.  यापूर्वी  शिक्षणमंत्र्यांनी CBSE बोर्डाची 10 वी आणि 12 वीची परीक्षा जानेवारी-फ्रेब्रुवारी 2021 होणार नसल्याचे सांगितले होते. फेब्रुवारीनंतर परीक्षा कधी घ्यावी यासंदर्भात विचार सुरु असल्याचे त्यांनी म्हटले होते.   

कोरोनाच्या संकटजन्य परिस्थितीमुळे शालेय विद्यार्थ्यांचे वेळापत्रकही कोलमडले आहे. अनेक परीक्षाप्रमाणे सीबीएसईच्या बोर्डाच्या परीक्षाही लांबणीवर पडल्या आहेत. कोरोनाजन्य परिस्थितीत परीक्षा घेऊ नये, अशी मागणी पालकांकडूनही करण्यात आली होती. कोरोना प्रादुर्भावाचा विचार करुन तज्ञ्जांची मते घेतल्यानंतर फेब्रुवारीनंतर परीक्षा घेण्यात येणार असल्याचे केंद्रीय शिक्षण मंत्र्यांनी यापूर्वी जाहीर केले होते. पुढे ढकलण्यात आलेली परीक्षा नेमकी कधी होणार? याची विद्यार्थी तसेच पालक वर्गामध्ये उत्सुकता आहे. यासंदर्भात 31 डिसेंबरला घोषणा करण्यात येणार आहे.